Neysluvatnið öruggt og ekki þörf á að sjóða það Kjartan Kjartansson skrifar 16. janúar 2018 14:26 Þórólfur Guðnason sýndi myndatökumanni Stöðvar 2 fram á að drykkjarvatn á höfuðborgarsvæðinu væri öruggt með því að fá sér vænan sopa af vatnsglasi í dag. Vísir/Sigurjón Neysluvatn á höfuðborgarsvæðinu er öruggt, að mati samstarfsnefndar um sóttvarnir sem fundaði í morgun. Tvöfalt hærri gildi gerla en leyfileg eru mældust í drykkjarvatni á föstudag. Ekki er talin þörf á að sjóða vatn eða á öðrum varúðarráðstöfunum. Veitur greindu frá því í gær að jarðvegsgerlar hefðu mælst í drykkjarvatni á höfuðborgarsvæðinu vegna mikillar hlákutíðar undanfarið. Hlákan hafi orðið til þess að yfirborðsvatn hafi komist í grunnvatn og flutt með sér gerla. Mengunin hefur mælst á ýmsum stöðum höfuðborgarinnar og á Seltjarnarnesi nema Grafarvogi, Norðingaholti, Úlfarsárdal, Kjalarnesi og Mosfellsbæ. Engin mengun hefur mælst í neysluvatni í Kópavogi, Garðabæ og Hafnarfirði. Stjórnskipuð samstarfsnefnd um sóttvarnir funduðu vegna þessa fyrir hádegi í dag. Fundinn sátu fulltrúar sóttvarnalæknis, heilbrigðiseftirlita Reykjavíkur, Kjósarsvæðis, Hafnarfjarðar- og Kópavogssvæðis, sýkingavarna- og sýklafræðideildar Landspítala, Heilsugæslu höfuðborgarsvæðisins, Matvælastofnunar, MATÍS, Veitna OHF og Geislavarna ríkisins. Niðurstaða fundarins var sú mengunin sé einangrað fyrirbæri í kjölfar vatnavaxtanna .Niðurstöður mælinga á vatninu benda til að ekki sé hætta á heilsufarslegum afleiðingum við neyslu þess. „Samstarfsnefndin telur ekki þörf á að almenningur á svæðum þar sem mengunin hefur mælst sjóði vatn fyrir neyslu og ekki sé þörf á sérstökum varúðarráðstöfunum. Einnig er óhætt að nota neysluvatnið í matvæla- og drykkjarframleiðslu,“ segir í tilkynningu sem birtist á vef embættis landlæknis.Eins og að drekka úr læk eða naga gulrót úr garðinumÁrný Sigurðardóttir, framkvæmdastjóri Heilbrigðiseftirlits Reykjavíkur, segir við Vísi að rúmlega rúmlega tvö hundruð gerlar hafi mælst í einum millilítra vatns í sýnum sem voru tekin á föstudag. Viðmiðunarmörkin eru hundrað gerlar í millilítra. Saurgerlar sem valda sjúkdómum hafa ekki greinst í dreifikerfinu. „Það er tekinn heildargerlafjöldi sem er samkvæmt reglugerð. Hann var yfir mörkum þannig að sýnin stóðust ekki ítrustu kröfur. Samkvæmt reglugerð er almenningur upplýstur um það. Það er bara verkferill,“ segir hún. Saurgerlar hafi aldrei fundist í dreifikerfinu. Þeir hafi hins vegar fundist í vatnsholum en þeim hafi strax verið lokað. Heilbrigðiseftirlitið mun fylgjast með ástandi vatnsins daglega í framhaldinu. Sýni voru tekin í gær og segir Árný að bráðabirgðaniðurstöður sýni enga saurgerlamengun. Það taki hins vegar þrjá daga að fá niðurstöðu um heildargerlafjölda í sýnunum. „Þessi heildargerlafjöldi sem við erum að tala um er bara svona eins og þú ferð og drekkur úr læk einhvers staðar úti í sveit eða rífur gulrót úr matjurtargarðinum og nagar hana án þess að þvo hana,“ segir Árný.Ekki óvanaleg hækkun María J. Gunnarsdóttir, sérfræðingur í neysluvatnsgæðum hjá Verkfræðistofnun Háskóla Íslands, segir að þrátt fyrir heildarfjöldi gerla hafi verið tvöfalt yfir viðmiðunarmörkun þá sé hækkun gildanna alls ekki óvanalega mikil. Gildin geti orðið hærri þegar yfirborðsvatn kemst í grunnvatn eins og gerst hafi í þessu tilfelli. Reglugerðir kveði hins vegar á um að gripið sé til ráðstafana þegar slík gildi mælast og að tilkynnt sé um það. „Þetta gefur bara til kynna að það hefur verið yfirborðsvatn sem hefur komið inn í. Við viljum náttúrulega helst fá grunnvatn því hér er vatn ekkert meðhöndlað,“ segir hún.Uppfært 15:40 Fréttin hefur verið uppfærð. Upphaflega kom fram í fréttinni að gildin um gerla í vatni væru miðuð við við hundrað millilítra vatns. Það rétta er að miðað er við einn millilítra. Umhverfismál Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Segja grafalvarlegt mál að fresta atkvæðagreiðslu Innlent Slasaður eftir hestaslys í Ölfusi Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira
Neysluvatn á höfuðborgarsvæðinu er öruggt, að mati samstarfsnefndar um sóttvarnir sem fundaði í morgun. Tvöfalt hærri gildi gerla en leyfileg eru mældust í drykkjarvatni á föstudag. Ekki er talin þörf á að sjóða vatn eða á öðrum varúðarráðstöfunum. Veitur greindu frá því í gær að jarðvegsgerlar hefðu mælst í drykkjarvatni á höfuðborgarsvæðinu vegna mikillar hlákutíðar undanfarið. Hlákan hafi orðið til þess að yfirborðsvatn hafi komist í grunnvatn og flutt með sér gerla. Mengunin hefur mælst á ýmsum stöðum höfuðborgarinnar og á Seltjarnarnesi nema Grafarvogi, Norðingaholti, Úlfarsárdal, Kjalarnesi og Mosfellsbæ. Engin mengun hefur mælst í neysluvatni í Kópavogi, Garðabæ og Hafnarfirði. Stjórnskipuð samstarfsnefnd um sóttvarnir funduðu vegna þessa fyrir hádegi í dag. Fundinn sátu fulltrúar sóttvarnalæknis, heilbrigðiseftirlita Reykjavíkur, Kjósarsvæðis, Hafnarfjarðar- og Kópavogssvæðis, sýkingavarna- og sýklafræðideildar Landspítala, Heilsugæslu höfuðborgarsvæðisins, Matvælastofnunar, MATÍS, Veitna OHF og Geislavarna ríkisins. Niðurstaða fundarins var sú mengunin sé einangrað fyrirbæri í kjölfar vatnavaxtanna .Niðurstöður mælinga á vatninu benda til að ekki sé hætta á heilsufarslegum afleiðingum við neyslu þess. „Samstarfsnefndin telur ekki þörf á að almenningur á svæðum þar sem mengunin hefur mælst sjóði vatn fyrir neyslu og ekki sé þörf á sérstökum varúðarráðstöfunum. Einnig er óhætt að nota neysluvatnið í matvæla- og drykkjarframleiðslu,“ segir í tilkynningu sem birtist á vef embættis landlæknis.Eins og að drekka úr læk eða naga gulrót úr garðinumÁrný Sigurðardóttir, framkvæmdastjóri Heilbrigðiseftirlits Reykjavíkur, segir við Vísi að rúmlega rúmlega tvö hundruð gerlar hafi mælst í einum millilítra vatns í sýnum sem voru tekin á föstudag. Viðmiðunarmörkin eru hundrað gerlar í millilítra. Saurgerlar sem valda sjúkdómum hafa ekki greinst í dreifikerfinu. „Það er tekinn heildargerlafjöldi sem er samkvæmt reglugerð. Hann var yfir mörkum þannig að sýnin stóðust ekki ítrustu kröfur. Samkvæmt reglugerð er almenningur upplýstur um það. Það er bara verkferill,“ segir hún. Saurgerlar hafi aldrei fundist í dreifikerfinu. Þeir hafi hins vegar fundist í vatnsholum en þeim hafi strax verið lokað. Heilbrigðiseftirlitið mun fylgjast með ástandi vatnsins daglega í framhaldinu. Sýni voru tekin í gær og segir Árný að bráðabirgðaniðurstöður sýni enga saurgerlamengun. Það taki hins vegar þrjá daga að fá niðurstöðu um heildargerlafjölda í sýnunum. „Þessi heildargerlafjöldi sem við erum að tala um er bara svona eins og þú ferð og drekkur úr læk einhvers staðar úti í sveit eða rífur gulrót úr matjurtargarðinum og nagar hana án þess að þvo hana,“ segir Árný.Ekki óvanaleg hækkun María J. Gunnarsdóttir, sérfræðingur í neysluvatnsgæðum hjá Verkfræðistofnun Háskóla Íslands, segir að þrátt fyrir heildarfjöldi gerla hafi verið tvöfalt yfir viðmiðunarmörkun þá sé hækkun gildanna alls ekki óvanalega mikil. Gildin geti orðið hærri þegar yfirborðsvatn kemst í grunnvatn eins og gerst hafi í þessu tilfelli. Reglugerðir kveði hins vegar á um að gripið sé til ráðstafana þegar slík gildi mælast og að tilkynnt sé um það. „Þetta gefur bara til kynna að það hefur verið yfirborðsvatn sem hefur komið inn í. Við viljum náttúrulega helst fá grunnvatn því hér er vatn ekkert meðhöndlað,“ segir hún.Uppfært 15:40 Fréttin hefur verið uppfærð. Upphaflega kom fram í fréttinni að gildin um gerla í vatni væru miðuð við við hundrað millilítra vatns. Það rétta er að miðað er við einn millilítra.
Umhverfismál Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Segja grafalvarlegt mál að fresta atkvæðagreiðslu Innlent Slasaður eftir hestaslys í Ölfusi Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira