Körfubolti

Byrjunarlið stjörnuleiks NBA tilkynnt

Magnús Ellert Bjarnason skrifar
Lebron James og Kevin Durant í Stjörnuleik NBA frá því í fyrra.
Lebron James og Kevin Durant í Stjörnuleik NBA frá því í fyrra. Vísir / Getty
NBA tilkynnti rétt í þessu byrjunarlið stjörnuleiks deildarinnar, sem fram fer í Staples Center, heimavelli Los Angeles liðanna Lakers og Clippers, þann 18. febrúar næstkomandi.













Sú breyting hefur verið gerð frá fyrri árum að liðunum er ekki lengur skipt upp eftir því hvort leikmenn spili í austur- eða vesturdeild, heldur munu þeir leikmenn sem fengu flest atkvæði úr hvorri deild verða skipaðir fyrirliðir og fá þeir að velja leikmenn í liðið sitt.

Ekki hefur verið gefið upp hverjir verða fyrirliðar liðanna en ef marka má fregnir fjölmiðla fyrir vestan haf eru mestar líkur á því að það verði þeir Lebron James og Steph Curry, sem kemur væntanlega fáum á óvart.

Líkt og áður fer þriggja stiga- og troðslukeppni deildarinnar auk þess fram í aðdraganda leiksins. NBA aðdáendur eiga því von á veislu þegar að þessu kemur, en spennandi verður að fylgjast með þessum töframönnum leika listir sínar fyrir framan fræga fólkið í Hollywood. 

Körfubolti

Mest lesið


Fleiri fréttir

Sjá meira


×

Mest lesið