Tólf ára drengur komst einn af úr mannskæðu flugslysi

Björgunarmenn fundu tólf ára dreng á lífi nærri braki flugvélar sem hrapaði á Indónesíu í dag. Átta manns fórust í slysinu sem átti sér stað í skóglendi nærri landamærunum að Papúu Nýju-Gíneu.

Sjö farþegar og tveggja manna áhöfn var um borð í flugvélinni sem var af gerðinni Pilatus, að sögn breska ríkisútvarpsins BBC. Flugumferðarstjórn missti samband við vélina síðdegis í gær að staðartíma, skömmu áður en hún átti að lenda á flugvelli í borginni Oksibil.

Vélin var í eigu flugfélagsins Dimonim Air. Hún var á leið frá Tanah Merah til Oksibil þegar hún hrapaði.

Yfirvöld segja að rannsókn hefjist brátt á orsökum slyssins.