Guðjón A. Kristjánsson er látinn

Guðjón Arnar Kristjánsson, fyrrverandi alþingismaður og formaður Frjálslynda flokksins, er látinn vegna krabbameins. Hann var 73 ára gamall og fæddist á Ísafirði þann 5. júlí 1944. Foreldrar hans voru Kristján Sigmundur Guðjónsson og Jóhanna Jakobsdóttir.

Sagt var frá andláti Guðjóns á mbl.is.



Guðjón útskrifaðist úr Stýrimannaskólanum í Reykjavík árið 1966 og starfaði sem skipstjóri í 30 ár eða allt til ársins 1997. Hann var formaður Skipstjóra- og stýrimannafélagsins Bylgjunnar 1975 til 1984 og forseti Farmanna- og fiskimannasambands Íslands 1983 til 1999.

Þá sat hann á Alþingi frá 1999 til 2009 og var formaður Frjálslynda flokksins frá 1999 til 2004.

Hann lætur eftir sig eiginkonu og sjö uppkomin börn.