KR úr leik í Evrópu

Þáttöku KR í Evrópukeppni er lokið þennan veturinn eftir 84-71 tap fyrir Belfius Mons-Hainaut í seinni leik liðanna í undankeppni Evrópukeppni FIBA í körfubolta.

Fyrri leikur liðanna fór 67-88 í Frostaskjólinu, svo KR tapaði því samanlagt 172-138.

Jón Arnór Stefánsson var atkvæðamestur KR-inga með 20 stig, 5 fráköst og 2 stoðsendingar. Næstur kom Darri Hilmarsson með 17 stig og 2 fráköst.

KR hélt í við Belgana lungann úr leiknum, en staðan var 41-38 í hálfleik. Belgarnir settu svo fótinn á bensíngjöfina á síðustu mínútunum og tryggðu öruggan sigur sinn.