Alls bíða 658 eftir aðgerð meðan aðrir fara út á kostnað ríkisins Þorbjörn Þórðarson skrifar 10. maí 2017 18:45 Alls bíða nú 658 eftir því að komast í liðskiptiaðgerð á Landspítalanum. Raunverulegur flöskuháls felst í skorti á legurýmum og aðskilnaði milli skurð- og bráðadeilda á Landspítalanum að mati fyrrverandi forstjóra spítalans. Hópur sjúklinga fór í upphafi vikunnar á vegum Klíníkurinnar í Ármúla í mjaðmakúluskipti á einkasjúkrahúsi í Halmstad í Svíþjóð. Allir þessir sjúklingar höfðu beðið í meira en 90 daga eftir aðgerð og uppfyllltu skilyrði svokallaðrar biðlistatilskipunar. Sjúkratryggingar Íslands samþykktu að greiða meðferðarkostnað, ferða- og uppihaldskostnað og mögulegan fylgdarmannskostnað eins og kemur fram í bréfi Sjúkratrygginga Íslands til Klíníkurinnar og eins sjúklings sem sótti um endurgreiðslu og fréttastofan hefur undir höndum. Þótt sjúkrahús Klíníkurinnar búi yfir aðstöðu til að framkvæma aðgerðirnar voru sjúklingarnir sendir til Svíþjóðar því ekki er samningur milli Sjúkratrygginga og Klíníkurinnar um þessa tegund aðgerða. Þeir 658 sjúklingar sem bíða eftir slíkri aðgerð hjá Landspítalanum eru ekki jafn heppnir. Biðtími eftir aðgerð af þessu tagi á bæklunarskurðdeild Landspítalans í Fossvogi er nú rúmir 6 mánuðir. Biðlistar eftir liðskiptiaðgerðum lengdust í árslok 2014 og 2015 vegna verkfalla hjá Landspítalanum. Sjúklingar sem þurfa að komast í þessar aðgerðir er sjúklingahópur sem er ekki í lífshættu og því var þessum aðgerðum frestað vegna forgangsröðunar á verkfallstímanum samkvæmt upplýsingum frá spítalanum. Fjölgun aldraðra og vaxandi þörf fyrir þessar aðgerðir hefur áhrif á biðlista en að meðaltali bætast 70 nýir einstaklingar við biðlistann í hverjum mánuði. Þannig er þetta enn ein birtingarmynd á margþættum vanda sem fylgir hækkandi lífaldri þjóðarinnar. Björn Zoëga bæklunarskurðlæknir og fyrrverandi forstjóri Landspítalans er í þeirri stöðu að þekkja málið bæði sem læknir og stjórnandi því hann framkvæmir þessar aðgerðir bæði hér á landi og í Svíþjóð. Björn segir flöskuháls liðskiptiaðgerða á Landspítalanum felast í skorti á legurýmum til að halda skipulögðu flæði skurðsjúklinga sem eru ekki að truflast af bráðatilvikum sem þurfa á rýmum að halda eða öldruðum sjúklingum sem bíða eftir að komast að á hjúkrunarheimili. Þetta er ekki sama vandamál í Svíþjóð, svo dæmi sé tekið. „Flestar sérhæfðar skurðstofur í Svíþjóð hafa aðskilnað á milli bráðadeilda og skipulaðra skurðdeilda. Þegar um skipulagðar aðgerðir er að ræða liggur fyrir með góðum fyrirvara hversu margar aðgerðir verði framkvæmdar og tilvik frá bráðadeild trufla ekki áætlanir,“ segir Björn. Hann segir óskynsamlegt að hleypa prívatsjúkrahúsum eins og Klíníkinni af stað og borga fyrir aðgerðirnar með skattfé án þess að það liggi fyrir hvaða gæði fáist fyrir peningana.Björn Zoega, bæklunarskurðlæknir og fyrrum forstjóri Landpítalans.Vísir/Anton„Í Svíþjóð tekur einkasjúkrahúsið ábyrgð á ætluðum læknamistökum og inn í verðið er reiknuð áhætta vegna þeirra.Það sem skiptir mestu máli er að þú vitir hvaða gæði þú fáir fyrir það sem þú kaupir. Þú tekur einnig heildarábyrgð á sjúklingnum þannig að ef eitthvað kemur upp á, þá berðu ábyrgð á því og sérðu um að meðhöndla það eða borgar fyrir meðhöndlunina annars staðar,“ segir Björn. Ef sjúklingur á Íslandi fer í aðgerð hjá Klíníkinni í Armúla og fær aukaverkanir sem Klíníkin ræður ekki við lendir vandi hans hjá Landspítalanum. Ferðalag sjúklinganna til Svíþjóðar á kostnað skattgreiðenda til þess að fara í mjaðmakúluskipti og sú staðreynd að ekki er búið að hanna lagalega umgjörð ábyrgðar og áhættu einkasjúkrahúsa, sem fá greitt frá Sjúkratryggingum Íslands fyrir að sinna heilbrigðisþjónustu, eru tvö dæmi sem sýna í hnotskurn hversu vanþróað og óreiðukennt íslenskt heilbrigðiskerfi er þegar rekstur einkaaðila er annars vegar. Tengdar fréttir Segir einkastofur ógna öryggi sjúklinga 9. maí 2017 07:00 Landspítalinn er settur í ómögulega samkeppnisstöðu Commercialism in medicine never leads to true satisfaction and to maintain our self respect is more precious than gold. William Mayo (1861-1939) Tilvitnunin að ofan hékk uppi í einni af mörgum byggingum hinnar þekktu Mayo Clinic í Rochester Minnesota þegar undirritaður vann þar við rannsóknir í læknisfræði fyrir nokkrum árum. 10. maí 2017 07:00 Fer með sjúklingana til Svíþjóðar vegna skorts á samningi en ríkið borgar Hópur Íslendinga fór í dag á vegum Klíníkurinnar í liðskiptiaðgerðir á einkasjúkrahúsi í Svíþjóð. Allur kostnaður vegna aðgerðanna verður greiddur af Sjúkratryggingum Íslands en stofnunin var ekki tilbúin að greiða fyrir nákvæmlega sömu aðgerð hér á landi hjá Klíníkinni í Ármúla. Dæmi um hvað kerfið er öfugsnúið, að sögn læknis sem framkvæmdi aðgerðirnar. 9. maí 2017 18:04 Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Skötumessur Ásmundar Friðrikssonar gefa vel af sér Innlent Díselþjófar staðnir að verki: „Þetta er búið að kosta okkur milljónir“ Innlent Merkúr Máni sótti brons í Ólympíukeppninni í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Hvalfjarðargöng opin á ný Innlent Tekist á um Evrópumálin Innlent Fleiri fréttir Tekist á um Evrópumálin Merkúr Máni sótti brons á Ólympíuleikunum í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira
Alls bíða nú 658 eftir því að komast í liðskiptiaðgerð á Landspítalanum. Raunverulegur flöskuháls felst í skorti á legurýmum og aðskilnaði milli skurð- og bráðadeilda á Landspítalanum að mati fyrrverandi forstjóra spítalans. Hópur sjúklinga fór í upphafi vikunnar á vegum Klíníkurinnar í Ármúla í mjaðmakúluskipti á einkasjúkrahúsi í Halmstad í Svíþjóð. Allir þessir sjúklingar höfðu beðið í meira en 90 daga eftir aðgerð og uppfyllltu skilyrði svokallaðrar biðlistatilskipunar. Sjúkratryggingar Íslands samþykktu að greiða meðferðarkostnað, ferða- og uppihaldskostnað og mögulegan fylgdarmannskostnað eins og kemur fram í bréfi Sjúkratrygginga Íslands til Klíníkurinnar og eins sjúklings sem sótti um endurgreiðslu og fréttastofan hefur undir höndum. Þótt sjúkrahús Klíníkurinnar búi yfir aðstöðu til að framkvæma aðgerðirnar voru sjúklingarnir sendir til Svíþjóðar því ekki er samningur milli Sjúkratrygginga og Klíníkurinnar um þessa tegund aðgerða. Þeir 658 sjúklingar sem bíða eftir slíkri aðgerð hjá Landspítalanum eru ekki jafn heppnir. Biðtími eftir aðgerð af þessu tagi á bæklunarskurðdeild Landspítalans í Fossvogi er nú rúmir 6 mánuðir. Biðlistar eftir liðskiptiaðgerðum lengdust í árslok 2014 og 2015 vegna verkfalla hjá Landspítalanum. Sjúklingar sem þurfa að komast í þessar aðgerðir er sjúklingahópur sem er ekki í lífshættu og því var þessum aðgerðum frestað vegna forgangsröðunar á verkfallstímanum samkvæmt upplýsingum frá spítalanum. Fjölgun aldraðra og vaxandi þörf fyrir þessar aðgerðir hefur áhrif á biðlista en að meðaltali bætast 70 nýir einstaklingar við biðlistann í hverjum mánuði. Þannig er þetta enn ein birtingarmynd á margþættum vanda sem fylgir hækkandi lífaldri þjóðarinnar. Björn Zoëga bæklunarskurðlæknir og fyrrverandi forstjóri Landspítalans er í þeirri stöðu að þekkja málið bæði sem læknir og stjórnandi því hann framkvæmir þessar aðgerðir bæði hér á landi og í Svíþjóð. Björn segir flöskuháls liðskiptiaðgerða á Landspítalanum felast í skorti á legurýmum til að halda skipulögðu flæði skurðsjúklinga sem eru ekki að truflast af bráðatilvikum sem þurfa á rýmum að halda eða öldruðum sjúklingum sem bíða eftir að komast að á hjúkrunarheimili. Þetta er ekki sama vandamál í Svíþjóð, svo dæmi sé tekið. „Flestar sérhæfðar skurðstofur í Svíþjóð hafa aðskilnað á milli bráðadeilda og skipulaðra skurðdeilda. Þegar um skipulagðar aðgerðir er að ræða liggur fyrir með góðum fyrirvara hversu margar aðgerðir verði framkvæmdar og tilvik frá bráðadeild trufla ekki áætlanir,“ segir Björn. Hann segir óskynsamlegt að hleypa prívatsjúkrahúsum eins og Klíníkinni af stað og borga fyrir aðgerðirnar með skattfé án þess að það liggi fyrir hvaða gæði fáist fyrir peningana.Björn Zoega, bæklunarskurðlæknir og fyrrum forstjóri Landpítalans.Vísir/Anton„Í Svíþjóð tekur einkasjúkrahúsið ábyrgð á ætluðum læknamistökum og inn í verðið er reiknuð áhætta vegna þeirra.Það sem skiptir mestu máli er að þú vitir hvaða gæði þú fáir fyrir það sem þú kaupir. Þú tekur einnig heildarábyrgð á sjúklingnum þannig að ef eitthvað kemur upp á, þá berðu ábyrgð á því og sérðu um að meðhöndla það eða borgar fyrir meðhöndlunina annars staðar,“ segir Björn. Ef sjúklingur á Íslandi fer í aðgerð hjá Klíníkinni í Armúla og fær aukaverkanir sem Klíníkin ræður ekki við lendir vandi hans hjá Landspítalanum. Ferðalag sjúklinganna til Svíþjóðar á kostnað skattgreiðenda til þess að fara í mjaðmakúluskipti og sú staðreynd að ekki er búið að hanna lagalega umgjörð ábyrgðar og áhættu einkasjúkrahúsa, sem fá greitt frá Sjúkratryggingum Íslands fyrir að sinna heilbrigðisþjónustu, eru tvö dæmi sem sýna í hnotskurn hversu vanþróað og óreiðukennt íslenskt heilbrigðiskerfi er þegar rekstur einkaaðila er annars vegar.
Tengdar fréttir Segir einkastofur ógna öryggi sjúklinga 9. maí 2017 07:00 Landspítalinn er settur í ómögulega samkeppnisstöðu Commercialism in medicine never leads to true satisfaction and to maintain our self respect is more precious than gold. William Mayo (1861-1939) Tilvitnunin að ofan hékk uppi í einni af mörgum byggingum hinnar þekktu Mayo Clinic í Rochester Minnesota þegar undirritaður vann þar við rannsóknir í læknisfræði fyrir nokkrum árum. 10. maí 2017 07:00 Fer með sjúklingana til Svíþjóðar vegna skorts á samningi en ríkið borgar Hópur Íslendinga fór í dag á vegum Klíníkurinnar í liðskiptiaðgerðir á einkasjúkrahúsi í Svíþjóð. Allur kostnaður vegna aðgerðanna verður greiddur af Sjúkratryggingum Íslands en stofnunin var ekki tilbúin að greiða fyrir nákvæmlega sömu aðgerð hér á landi hjá Klíníkinni í Ármúla. Dæmi um hvað kerfið er öfugsnúið, að sögn læknis sem framkvæmdi aðgerðirnar. 9. maí 2017 18:04 Mest lesið Leigubíll án verðmerkingar og veitingastaðir í óleyfi Innlent Stal 73 rauðvínsflöskum og rúllaði burt á þríhjóli Erlent Tjald vonarinnar brann til kaldra kola Innlent Skötumessur Ásmundar Friðrikssonar gefa vel af sér Innlent Díselþjófar staðnir að verki: „Þetta er búið að kosta okkur milljónir“ Innlent Merkúr Máni sótti brons í Ólympíukeppninni í líffræði Innlent „Þá er samkeppnishæfnin farin, það segir sig bara sjálft“ Innlent Ísraelsher stöðvaði aðra skútu með vistum Erlent Hvalfjarðargöng opin á ný Innlent Tekist á um Evrópumálin Innlent Fleiri fréttir Tekist á um Evrópumálin Merkúr Máni sótti brons á Ólympíuleikunum í líffræði Leigubíll án verðmerkingar og veitingastaðir í óleyfi Virknin minnkað þó áfram gjósi Tjald vonarinnar brann til kaldra kola Skötumessur Ásmundar Friðrikssonar gefa vel af sér „Þá er samkeppnishæfnin farin, það segir sig bara sjálft“ Líkamsárás í farþegaskipi „Kaldar kveðjur frá ESB“ og tilfinningaþrungin stund á Druslugöngu Hvalfjarðargöng opin á ný „Það er verið að taka aðeins of mikið“ Díselþjófar staðnir að verki: „Þetta er búið að kosta okkur milljónir“ „Ég held að það sé nú best að anda rólega“ Áhugi ungra stráka á Druslugöngunni kom skemmtilega á óvart Mögulegir Evróputollar á íslenskar vörur, lundastofn í rénun og Druslugangan Komst ekki heim frá Íran fyrr en mánuði eftir árásirnar Segir eðlilegast að strandveiðiheimildir verði fyrir utan alla potta Reyndist fjölmennt matarboð „þar sem gleðin var við völd“ Skógasafn vill Gunnfaxa en beðið svara eigenda Áfram gýs úr einum gíg „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgarar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Sjá meira
Landspítalinn er settur í ómögulega samkeppnisstöðu Commercialism in medicine never leads to true satisfaction and to maintain our self respect is more precious than gold. William Mayo (1861-1939) Tilvitnunin að ofan hékk uppi í einni af mörgum byggingum hinnar þekktu Mayo Clinic í Rochester Minnesota þegar undirritaður vann þar við rannsóknir í læknisfræði fyrir nokkrum árum. 10. maí 2017 07:00
Fer með sjúklingana til Svíþjóðar vegna skorts á samningi en ríkið borgar Hópur Íslendinga fór í dag á vegum Klíníkurinnar í liðskiptiaðgerðir á einkasjúkrahúsi í Svíþjóð. Allur kostnaður vegna aðgerðanna verður greiddur af Sjúkratryggingum Íslands en stofnunin var ekki tilbúin að greiða fyrir nákvæmlega sömu aðgerð hér á landi hjá Klíníkinni í Ármúla. Dæmi um hvað kerfið er öfugsnúið, að sögn læknis sem framkvæmdi aðgerðirnar. 9. maí 2017 18:04