Beittir þvingun og nauðung á sambýlinu á Blönduósi

Vistmenn á sambýlinu á Blönduósi eru beittir þvingun og nauðung að því er fram kemur í úrskurði sérfræðiteymis velferðarráðuneytisins frá því í fyrra. Frá þessu er greint á vef RÚV en þar segir að stjórnvöld hafi verið kunnugt um brotalamir í starfsemi sambýlisins allt frá árinu 2011.

Sveitarfélagið Skagafjörður tók ábyrgð á þjónustunni í fyrra og það viðurkennir að pottur sé brotinn í starfseminni en málið má rekja til þess að réttindagæslumaður fatlaðra á Norðurlandi hafði samband við starfsmenn réttindavaktarinnar, sem eru starfsmenn velferðarráðuneytisins, árið 2011 og sagði frá því að svo virtist sem ýmislegt væri við rekstur sambýlisins.

Í frétt RÚV er rætt bæði fyrrverandi starfsmann sambýlisins og lögráðamanns eins af vistmönnunum. Báðir eru þeir sammála um að ástandið sé óásættanlegt.

Sambýlið á Blönduósi opnaði árið 1994 en Kópavogshæli var lagt niður skömmu áður. Á sambýlinu er pláss fyrir fjóra einstaklinga en vistmennirnir eru allir fullorðnir karlmenn með mikla fötlun sem geta lítið sem ekkert tjáð sig. Þeir komu annað hvort frá Kópavogshæli eða Sólborg.

Nánar má lesa um málið á vef RÚV.