Erlent

Beittu stórskotaliði gegn Gaza eftir eldflaugaárás

Samúel Karl Ólason skrifar
Eldflaugin var skotin niður og enginn mun hafa særst.
Eldflaugin var skotin niður og enginn mun hafa særst. Vísir/AFP
Ísraelski herinn beitti stórskotaliði gegn Gaza eftir að eldflaug var skotið þaðan að Ísrael. Eldflaugin var skotin niður og enginn mun hafa særst. Enginn hefur lýst yfir ábyrgð á eldflaugaskotinu en herinn sagði ábyrgðina liggja hjá Hamas-samtökunum.

Engar fregnir hafa borist af mannfalli á Gaza vegna árásarinnar. Hins vegar hafa minnst fjórir dáið í árásum um helgina.

Palestínumenn segja Ísraelsmenn hafa skotið á heimili fólks en Ísraelsmenn segjast hafa skotið á hryðjuverkamenn.

Á vef Times of Israel segir að nokkrum eldflaugum hafi verið skotið að Ísrael frá Gaza um helgina. Enginn lét lífið í þeim árásum. Ísraelar gerðu þó árásir á móti. Þá segir herinn að göng sem grafin hafi verið af meðlimum Hamas inn í Ísrael hafi verið eyðilögð í dag. Þeir segja tilganginn hafa verið að gera árásir þar í landi.



Ákvörðun Donald Trump, forseta Bandaríkjanna, um að viðurkenna Jerúsalem sem höfuðborg Ísrael hefur valdið miklum usla á svæðinu og hafa mótmæli staðið yfir síðustu daga. Leiðtogi Hamas hefur kallað eftir uppreisn gegn hernámi Ísrael og leiðtogar arabaríkja hafa fordæmt ákvörðun Trump.

Mið-Austurlönd

Tengdar fréttir

Leiðtogi Hamas hvetur almenning til aðgerða

Óttast er að sendiráðstilfærsla Bandaríkjanna frá Tel Avív til Jerúsalem geti virkað sem neisti í púðurtunnu. Leiðtogi Hamas vill að Palestínumenn hristi Ísrael af sér en Fatah vill leita diplómatískra leiða til að leysa vandann.

Mest lesið


Fleiri fréttir

Sjá meira


×

Mest lesið