Ásmundur Einar Daðason verður félagsmálaráðherra í nýrri ríkisstjórn Vinstri grænna, Sjálfstæðisflokksins og Framsóknarflokksins.
Þetta var samþykkt á þingflokksfundi Framsóknar nú í hádeginu og greindi Sigurður Ingi Jóhannson, formaður flokksins, frá þessu í samtali við Sunnu Sæmundsdóttur í beinni útsendingu í hádegisfréttum Stöðvar 2.
Þá verður Sigurður Ingi sveitarstjórnar-og samgönguráðherra og Lilja Alfreðsdóttir, mennta-og menningarmálaráðherra.
Þórunn Egilsdóttir verður áfram formaður þingflokks Framsóknar og Willum Þór Þórsson verður formaður fjárlaganefndar.
Ásmundur Einar hefur ekki áður gegnt ráðherraembætti en Sigurður Ingi hefur verið sjávarútvegs-og landbúnaðarráðherra og forsætisráðherra. Þá var Lilja utanríkisráðherra utan þings eftir að Sigmundur Davíð Gunnlaugsson, þáverandi forsætisráðherra, sagði af sér embætti og uppstokkun varð á ríkisstjórn Framsóknarflokks og Sjálfstæðisflokks.
Fréttin hefur verið uppfærð.
Ásmundur Einar Daðason verður félagsmálaráðherra
Tengdar fréttir
Guðmundur Ingi Guðbrandsson verður ráðherra utan þings
Þetta tilkynnti Katrín Jakobsdóttir nú rétt í þessu.
Kristján Þór verður sjávarútvegs-og landbúnaðarráðherra
Jón Gunnarsson fær ekki ráðherraembætti.
Katrín Jakobsdóttir: „Nýr tónn að þessir flokkar setjist niður og skrifi sáttmála“
Það lá vel á formönnum Vinstri grænna, Framsóknarflokksins og Sjálfstæðisflokksins í Listasafni Íslands klukkan 10 í morgun þegar þeir kynntu og undirrituðu stjórnarsáttmála nýrrar ríkisstjórnar.
