Gunnar Steinn skoraði sigurmark Kristianstad

Gunnar Steinn Jónsson skoraði sigurmark Kristianstad gegn Szeged í A-riðli Meistaradeildar Evrópu í handbolta í kvöld. Lokatölur 33-32, Kristianstad í vil.

Allir þrír Íslendingarnir í liði Kristianstad, Gunnar Steinn, Ólafur Guðmundsson og Arnar Freyr Arnarsson, skoruðu tvö mörk í leiknum í kvöld. Sænski landsliðsmaðurinn Albin Lagergren var markahæstur hjá Kristianstad með 12 mörk.

Sænsku meistararnir hafa fengið fimm stig af sex mögulegum úr síðustu þremur leikjum sínum í A-riðli.

Stefán Rafn Sigurmannsson komst ekki á blað hjá Szeged í kvöld.

Alexander Peterssen var markahæstur í liði Rhein-Neckar Löwen sem gerði 21-21 jafntefli við Evrópumeistara Vardar í sama riðli.

Alexander skoraði fjögur mörk fyrir Löwen sem er í 4. sæti A-riðils með 12 stig. Vardar er á toppnum með 16 stig. Guðjón Valur Sigurðsson var ekki á meðal markaskorara hjá Löwen í kvöld.