Dramatískt jafntefli hjá Kristianstad

IFK Kristianstad og Orlen Wisla Plock mættust í meistaradeildinni í handbolta í kvöld en leiknum var að ljúka rétt í þessu.

Ólafur Andrés Guðmundsson, Arnar Freyr Arnarsson og Gunnar Steinn Jónsson eru allir að mála hjá Kristianstad en þeir tveir fyrrnefndu komu við sögu í leiknum.

Það var mikið jafnræði með liðunum framan að leik og var staðan jöfn í leikhlé 13-13.

Kristianstad fór smátt og smátt að ná yfirhöndinni í seinni hálfleiknum og þegar nokkrar mínútur voru eftir voru þeir komnir með fimm marka forskot.

Orlen Wisla Plock gáfust hinsvegar ekki upp og reyndu hvað þeir gátu að jafna leikinn og náðu því á dramatískan máta lokamínútunni og voru nálægt því að stela sigrinum en allt kom fyrir ekki og voru lokatölur 25-25.

Tim Sörensen var markahæstur í liði Kristianstad með 7 mörk á meðan Ólafur skoraði 2 mörk og var með 50% skotnýtingu. Arnar Freyr skoraði 1 mark í leiknum.