Körfubolti

Martin stigahæstur í tapi

Ingvi Þór Sæmundsson skrifar
Martin hefur oft hitt betur en endaði með 13 stig.
Martin hefur oft hitt betur en endaði með 13 stig. vísir/ernir
Martin Hermannsson var stigahæstur í liði Chalons-Reims þegar það tapaði 86-96 fyrir Monaco í frönsku úrvalsdeildinni í körfubolta í kvöld.

Þetta var annað tap Chalons-Reims í röð en liðið er í 10. sæti deildarinnar.

Martin skoraði 13 stig í leiknum í kvöld, tók þrjú fráköst og gaf tvær stoðsendingar.

Martin hitti úr þremur af sjö skotum sínum inni í teig og eina þriggja stiga skotið sem hann tók rataði rétta leið. Íslenski landsliðsmaðurinn var svo pottþéttur á vítalínunni og kláraði öll fjögur vítin sín.

Körfubolti

Mest lesið


Fleiri fréttir

Sjá meira


×

Mest lesið