Aron Pálmarsson ekki í liði Barcelona í kvöld

Aron Pálmarsson spilaði ekki fyrsta leikinn sinn í spænsku deildinni í kvöld þegar Barcelona vann sjö marka sigur á Liberbank C. Encantada, 34-27, á heimavelli sínum, Blaugrana-höllinni.

Barcelona var 15-9 yfir í hálfleik og vann á endanum mjög sannfærandi sigur.

Hornamaðurinn Victor Tomas var markahæstur með 9 mörk í 11 skotum en Dika Mem skoraði sjö mörk og Valero Rivera var með sex mörk. Gonzalo Perez de Vargas varði vel í markinu eða alls 16 skot.

#HandbolLive

#LigaAsobal

@FCBhandbol 34-27 @BMCdadEncantada

Final / Full time

Palau Blaugrana#ForçaBarça  pic.twitter.com/u0XRMgovwx

— FCB Handbol (@FCBhandbol) November 7, 2017

Aron lék sinn fyrsta leik með Barcelona í Meistaradeildinni um síðustu helgi en var ekki í leikmannahópnum í kvöld.

Það er ekki mikil mótstaða fyrir Barcelona í deildinni heima en Barca mætti þarna liðinu sem var fyrir leikinn í þriðja sætinu.

Þetta var 128. sigurleikur Barcelona í röð í spænsku deildinni og liðið er áfram með fullt hús á toppi deildarinnar.