Innlent

Segir að trúfélagsgjöld Zúista verði endurgreidd eða renni til góðgerðamála

Tryggvi Páll Tryggvason skrifar
Ágúst Arnar sést hér á tali við sjónvarpsmanninn Helga Seljan.
Ágúst Arnar sést hér á tali við sjónvarpsmanninn Helga Seljan. Mynd/Janulus

Ágúst Arnar Ágústsson, sem nýverið var skráður forstöðumaður trúfélagsins Zuism eftir áralanga deilu, segir að trúfélagsgjöld þeirra sem skráð hafi sig í trúfélagið verði endurgreidd. Þá verði einnig í boði að ráðstafa sóknargjöldum til góðgerðarmála.

Fjársýsla ríksisins greiddi trúfélaginu Zuism út rúmar 53 milljónir króna sem haldið hefur verið eftir af sóknargjöldum frá því í febrúar í fyrra vegna deilna um hver færi með stjórn félagsins.

Starfsemi zúista var við að lognast út af árið 2014. Við það tækifæri tók nýr hópur manna yfir félagið og hóf að safna meðlimum í stórum stíl með loforðum um að borga þeim út tæplega 11.000 króna sóknargjöld sem renna árlega úr ríkissjóði til trúfélaga fyrir hvern skráðan meðlim. Um þrjú þúsund manns skráðu sig í félagið.

Ágúst Arnar taldi þó að hann væri enn forstöðumaður félagsins, höfðaði mál á hendur ríkinu og krafðist þess að innanríkisráðuneytið viðurkenndi hann sem forstöðumann félagsins. Þeirri ákvörðun var vísað til sýslumanns sem nýverið tók fyrrnefnda ákvörðun um að verða við kröfu Ágústs.

Í yfirlýsingu sem send var á fjölmiðla gagnrýnir hann harðlega vinnubrögð starfsmanns hjá embætti Sýslumannsins á Norðurlandi eystra sem farið hafi með trúfélagsskráninguna og segir hann vísvitandi hafa dregið lappirnar í málinu. Það hafi ekki verið fyrr en Umboðsmaður Alþingis hafi farið í málið fyrr en hreyfing kemst á það.

Í yfirlýsingunni segir Ágúst Arnar að unnið sé því að opna heimasíðuna zuism.is þar sem hægt verði að sækja um endurgreiðslu á sóknargjöldum, eftir umsýslugjöld. Félagið vinni nú þegar með ráðgjöfum að því hvernig þessu verði best háttað.

Þá segir einnig að val verði um að sóknargjöld sóknarbarna trúfélagsins renni til góðgerðamála.

„Félagið hefur t.d. nú þegar sett sig í samband við Barnaspítala Hringsins og hefur fengið lista af tækjum sem vantar á spítalann og hyggst félagið styrkja það málefni ef safnast nægt fé,“ sem birt er í heild sinni á zuism.is

Ágúst Arnar, og bróðir hans Einar Ágústsson, verið til umfjöllunar íslenskra fjölmiðla á undanförnum árum.

Fyrst vöktu þeir athygli fyrir safnanir á Kickstarter
þar sem þeir söfnuðu háum fjárhæðum frá styrktaraðilum fyrir ýmis verkefni, þar á meðal vindmylluna sem nú er komin á markað.
Síðar vakti athygli að Kickstarter lokaði á eina söfnun þeirra bræðra fyrir stærri útgáfu af vindmyllunni en miðað við upplýsingar á vef Kickstarter þarf töluvert til að lokað sé fyrir söfnun.
Einar var í júní síðastliðnum dæmdur í þriggja og hálfs árs fangelsi fyrir tugmilljóna fjársvik. Báðir bræðurnir voru til rannsóknar í málinu en aðeins gefin út ákæra á hendur Einari.


Tengdar fréttir

Fjársvik Kickstarter-bróður bæði „skipulögð og úthugsuð“

Einar Ágústsson, sem í dag fékk þungan dóm í tugmilljóna fjársvikamáli, á sér engar málsbætur að mati Héraðsdóms Reykjaness. Brotavilji hans hafi verið einbeittur og brot hans "skipulögð og úthugsuð“. Hægt sé að slá því föstu að fjárfestingasjóðurinn sem Einar sagðist starfrækja hafi í raun ekki verið starfræktur



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.