Martin með fimmtán stig í sigurleik

Haukur Helgi Pálsson skoraði 5 stig og tók 4 fráköst í tapi Cholet gegn Hyeres-Toulon í frönsku úrvalsdeildinni í körfubolta í kvöld.

Haukur spilaði tæpar 20 mínútur af leiknum og var með framlag upp á 2.

Leikurinn endaði 73-79 fyrir Hyeres-Toulon.

Martin Hermannsson skoraði 15 stig og tók 1 frákast í sigri Chalons-Reims á Antibes, jafnframt sem hann gaf 5 stoðsendingar.

Chalons-Reims fór með 86-78 sigur í leiknum. Martin spilaði rúmar 23 mínútur og var með 16 í framlag, framlagshæstur í sínu liði.