Framburður vitna gærdagsins þrengdi að málsvörn Thomas Möller Olsen Jóhann Óli Eiðsson skrifar 23. ágúst 2017 09:15 Dómsformaðurinn Kristinn Halldórsson (fyrir miðju) hefur að mestu tjáð sig fyrir hönd dómenda. Hann á það líka til að glotta út í annað meðan sækjandi og verjandi spyrja vitnin. Ástríður Grímsdóttir (t.v) spurði eitt sinn í gær. Jón Höskuldsson (t.h) hefur hins vegar ekki mælt orð. Fréttablaðið/Halldór Baldursson Annar dagur aðalmeðferðar í máli ákæruvaldsins gegn hinum grænlenska Thomasi Möller Olsen, meintum morðingja Birnu Brjánsdóttur, var í gær. Fjölmörg vitni gáfu skýrslu um aðkomu sína að málinu. Framburður þeirra gróf mjög undan málflutningi sakborningsins. Aðalmeðferð hófst í fyrradag með skýrslugjöf sakborningsins. Líkt og sagt var frá í gær þá tók framburður hans miklum breytingum fyrir dómi frá því sem verið hafði á rannsóknarstigi. Sagði hann meðal annars að annar skipverji, Nikolaj Olsen, hafi verið um stund einsamall með hinni látnu. Þá sagði hann einnig að hann hefði séð ælubletti í bílaleigubíl sínum og þeir hafi verið ástæðan fyrir því að hann ákvað að þrífa hann áður en bílnum var skilað. Ákærði minntist þess aldrei að hafa rekist á blóðdropa við þrif sín á bílnum. Sömu sögu var að segja um föt sem hann setti í þvottavél um borð í skipinu. Sá framburður var hrakinn í dag af lögreglumönnum sem rannsökuðu bílinn eftir að hann var haldlagður. „Við sáum blóðbletti við afturhlera, á hillum í bílhurðum, aftursætum og fölsum. Þá sáum við að það þurfti meiri rannsókn og blóðferlagreiningu,“ sagði Björgvin Sigurðsson, sérfræðingur í tæknideild LRH. „Það sló mann hve mikið magn af blóði var sýnilegt,“ sagði Ragnar Jónsson, blóðferlasérfræðingur hjá tæknideild LRH. Fjöldi bletta hafi verið sýnilegur auk blóðpolls undir hægra aftursætinu. Ragnar var meðal annars spurður að því af Kolbrúnu Benediktsdóttur, saksækjanda málsins, hvort hann hefði orðið var við ælu í bílnum. Ragnar sagði það algjörlega útilokað að æla hafi verið í bílnum. Sömuleiðis taldi hann útilokað að nokkur annar hefði getað verið í bílnum en morðingi og brotaþoli. Hefði annar verið um borð hefðu myndast gloppur í blóðferlunum. Kolbrún Benediktsdóttir, aðstoðarhéraðssaksóknari, sækir málið. FRÉTTABLAÐIÐ/HALLDÓRUrs Wiesbrock, réttarmeinafræðingur og matsmaður í málinu, mætti einnig fyrir dóminn. Skýrði hann þar frá niðurstöðum matsgerðar sinnar en hana vann hann út frá líki Birnu og blóðblettum í bifreiðinni. Var það niðurstaða hans að flest höggin hefðu verið veitt með vinstri hnefa á meðan brotaþoli sat í hægra aftursætinu. Höggin hafi orðið til þess að blóð slettist víða um bílinn. Hann ítrekaði þó að nokkur högg gætu hafa verið veitt með hægri hendi en meginþorri þeirra hafi verið með þeirri vinstri. Wiesbrock var spurður af saksóknara hvort einhver ummerki hefðu fundist á höndum ákærða sem bentu til þess að hann hefði beitt slíku ofbeldi. Sagði hann að á höndum hans sæjust ummerki áþekk þeim sem kæmu fram í kjölfar slíks. Þó væri ómögulegt að fullyrða um hvort þau stöfuðu af þeim sökum eða einhverju öðru. Páll Rúnar M. Kristjánsson, verjandi Thomasar, hefur spurt flest vitnin út í áverka sem voru á vinstri hendi Nikolajs Olsen þegar hann var handtekinn. Wiesbrock svaraði spurningu Páls á þann veg að hann teldi líklegt, miðað við þá mynd sem hann sá, að hruflið á hendi Olsens væri yngra og ólíklegt að það hefði myndast nóttina sem Birna hvarf. Hann gerði þó þann fyrirvara að myndgæðin væru ekki með besta móti. „Það var sveiflukennt. Þegar ég gekk afsíðis heyrði ég [Thomas] gjarnan snökta og gráta. Svo herti hann sig þegar ég kom að,“ sagði læknirinn Sveinn Magnússon. Hann skoðaði bæði Thomas og Nikolaj eftir að þeir komu í land. „[Nikolaj] var allur annar. […] Hann var ekki þungur líkt og hinn heldur glaðlegur og breyttist ekkert þessa stund sem ég var með honum.“ Auk þess sem fram kom í gær hafði áður komið fram að fingraför Thomasar fundust á ökuskírteini Birnu Brjánsdóttur og lífsýni úr honum á skóm hennar. Hluti fata Thomasar frá kvöldinu fannst aldrei. Aðalmeðferðinni lýkur föstudaginn í næstu viku. Gert er ráð fyrir að munnlegur málflutningur fari fram í vikunni þar á eftir. Fréttin birtist fyrst í Fréttablaðinu Uppfært: Ranglega var farið með nafn meðdómara í málinu. Það hefur verið leiðrétt. Birtist í Fréttablaðinu Birna Brjánsdóttir Tengdar fréttir Í beinni: Aðalmeðferð í Birnumálinu heldur áfram Aðalmeðferð í máli ákæruvaldsins gegn Thomas Frederik Møller Olsen heldur áfram í Héraðsdómi Reykjaness klukkan 9 í dag en hún hófst í gær. 22. ágúst 2017 07:00 Í beinni: Thomas Møller Olsen kemur fyrir dóm Aðalmeðferð í máli ákæruvaldsins gegn Thomas Frederik Møller Olsen hefst í Héraðsdómi Reykjaness klukkan 9.15 í dag. 21. ágúst 2017 07:15 Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent Ákváðu að stöðva ekki tónleikana: „Þá fyrst hefði skrattinn hitt ömmu sína“ Innlent Faðir bræðranna sem létust segir úrræði gegn fíkn rjúkandi rúst Innlent Ungmenni réðust á varnarlaust fórnarlamb í skógræktinni á Akranesi Innlent Flutt á sjúkrahús eftir bílslys á Háaleitisbraut Innlent „Ozempic tennur“ meðal aukaverkana þyngdarstjórnunarlyfja Innlent Segir „rasistum“ að leggja íslenska fánanum og fá sér sinn eigin Innlent Brottvísun Oscars frestað Innlent Vilja ný og öruggari bílastæði á samningslausu landi gróðrarstöðvar Innlent Fleiri fréttir Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut „Yfirgnæfandi líkur“ á að Oscar fái íslenskan ríkisborgararétt Útskrifaður samdægurs eftir hnífaárás á Húsavík Gæti komið til lokana á vegum Selfosskirkjugarður að fyllast Í haldi grunaður um að hafa valdið alvarlegum áverkum Ungmenni réðust á varnarlaust fórnarlamb í skógræktinni á Akranesi Brottvísun Oscars frestað Segir vegið að rétti fatlaðra við uppbyggingu á Fannborgar- og Traðarreit Veitingamaður með langan brotaferil hlaut þunga sekt Faðir bræðranna sem létust segir úrræði gegn fíkn rjúkandi rúst Áminning Höskuldar stendur Þarf ekki að víkja úr dómsal: „Þegar þú drepst þá mun ég brosa“ Frá Goðafossi að Gróttuvita með hundrað kíló í eftirdragi Slæmt að fá hret á varptíma Verða boðaðir á fund lögreglu Lögregla boðar tónleikahaldara á sinn fund Segir „rasistum“ að leggja íslenska fánanum og fá sér sinn eigin Þorleifur keilari hvergi nærri af baki dottinn Áhugi á Bandaríkjareisum snarminnkar Sjá meira
Annar dagur aðalmeðferðar í máli ákæruvaldsins gegn hinum grænlenska Thomasi Möller Olsen, meintum morðingja Birnu Brjánsdóttur, var í gær. Fjölmörg vitni gáfu skýrslu um aðkomu sína að málinu. Framburður þeirra gróf mjög undan málflutningi sakborningsins. Aðalmeðferð hófst í fyrradag með skýrslugjöf sakborningsins. Líkt og sagt var frá í gær þá tók framburður hans miklum breytingum fyrir dómi frá því sem verið hafði á rannsóknarstigi. Sagði hann meðal annars að annar skipverji, Nikolaj Olsen, hafi verið um stund einsamall með hinni látnu. Þá sagði hann einnig að hann hefði séð ælubletti í bílaleigubíl sínum og þeir hafi verið ástæðan fyrir því að hann ákvað að þrífa hann áður en bílnum var skilað. Ákærði minntist þess aldrei að hafa rekist á blóðdropa við þrif sín á bílnum. Sömu sögu var að segja um föt sem hann setti í þvottavél um borð í skipinu. Sá framburður var hrakinn í dag af lögreglumönnum sem rannsökuðu bílinn eftir að hann var haldlagður. „Við sáum blóðbletti við afturhlera, á hillum í bílhurðum, aftursætum og fölsum. Þá sáum við að það þurfti meiri rannsókn og blóðferlagreiningu,“ sagði Björgvin Sigurðsson, sérfræðingur í tæknideild LRH. „Það sló mann hve mikið magn af blóði var sýnilegt,“ sagði Ragnar Jónsson, blóðferlasérfræðingur hjá tæknideild LRH. Fjöldi bletta hafi verið sýnilegur auk blóðpolls undir hægra aftursætinu. Ragnar var meðal annars spurður að því af Kolbrúnu Benediktsdóttur, saksækjanda málsins, hvort hann hefði orðið var við ælu í bílnum. Ragnar sagði það algjörlega útilokað að æla hafi verið í bílnum. Sömuleiðis taldi hann útilokað að nokkur annar hefði getað verið í bílnum en morðingi og brotaþoli. Hefði annar verið um borð hefðu myndast gloppur í blóðferlunum. Kolbrún Benediktsdóttir, aðstoðarhéraðssaksóknari, sækir málið. FRÉTTABLAÐIÐ/HALLDÓRUrs Wiesbrock, réttarmeinafræðingur og matsmaður í málinu, mætti einnig fyrir dóminn. Skýrði hann þar frá niðurstöðum matsgerðar sinnar en hana vann hann út frá líki Birnu og blóðblettum í bifreiðinni. Var það niðurstaða hans að flest höggin hefðu verið veitt með vinstri hnefa á meðan brotaþoli sat í hægra aftursætinu. Höggin hafi orðið til þess að blóð slettist víða um bílinn. Hann ítrekaði þó að nokkur högg gætu hafa verið veitt með hægri hendi en meginþorri þeirra hafi verið með þeirri vinstri. Wiesbrock var spurður af saksóknara hvort einhver ummerki hefðu fundist á höndum ákærða sem bentu til þess að hann hefði beitt slíku ofbeldi. Sagði hann að á höndum hans sæjust ummerki áþekk þeim sem kæmu fram í kjölfar slíks. Þó væri ómögulegt að fullyrða um hvort þau stöfuðu af þeim sökum eða einhverju öðru. Páll Rúnar M. Kristjánsson, verjandi Thomasar, hefur spurt flest vitnin út í áverka sem voru á vinstri hendi Nikolajs Olsen þegar hann var handtekinn. Wiesbrock svaraði spurningu Páls á þann veg að hann teldi líklegt, miðað við þá mynd sem hann sá, að hruflið á hendi Olsens væri yngra og ólíklegt að það hefði myndast nóttina sem Birna hvarf. Hann gerði þó þann fyrirvara að myndgæðin væru ekki með besta móti. „Það var sveiflukennt. Þegar ég gekk afsíðis heyrði ég [Thomas] gjarnan snökta og gráta. Svo herti hann sig þegar ég kom að,“ sagði læknirinn Sveinn Magnússon. Hann skoðaði bæði Thomas og Nikolaj eftir að þeir komu í land. „[Nikolaj] var allur annar. […] Hann var ekki þungur líkt og hinn heldur glaðlegur og breyttist ekkert þessa stund sem ég var með honum.“ Auk þess sem fram kom í gær hafði áður komið fram að fingraför Thomasar fundust á ökuskírteini Birnu Brjánsdóttur og lífsýni úr honum á skóm hennar. Hluti fata Thomasar frá kvöldinu fannst aldrei. Aðalmeðferðinni lýkur föstudaginn í næstu viku. Gert er ráð fyrir að munnlegur málflutningur fari fram í vikunni þar á eftir. Fréttin birtist fyrst í Fréttablaðinu Uppfært: Ranglega var farið með nafn meðdómara í málinu. Það hefur verið leiðrétt.
Birtist í Fréttablaðinu Birna Brjánsdóttir Tengdar fréttir Í beinni: Aðalmeðferð í Birnumálinu heldur áfram Aðalmeðferð í máli ákæruvaldsins gegn Thomas Frederik Møller Olsen heldur áfram í Héraðsdómi Reykjaness klukkan 9 í dag en hún hófst í gær. 22. ágúst 2017 07:00 Í beinni: Thomas Møller Olsen kemur fyrir dóm Aðalmeðferð í máli ákæruvaldsins gegn Thomas Frederik Møller Olsen hefst í Héraðsdómi Reykjaness klukkan 9.15 í dag. 21. ágúst 2017 07:15 Mest lesið Segir Bjarna Benediktssyni að stinga tappa upp í „tengdasoninn“ Innlent Verða boðaðir á fund lögreglu Innlent Ákváðu að stöðva ekki tónleikana: „Þá fyrst hefði skrattinn hitt ömmu sína“ Innlent Faðir bræðranna sem létust segir úrræði gegn fíkn rjúkandi rúst Innlent Ungmenni réðust á varnarlaust fórnarlamb í skógræktinni á Akranesi Innlent Flutt á sjúkrahús eftir bílslys á Háaleitisbraut Innlent „Ozempic tennur“ meðal aukaverkana þyngdarstjórnunarlyfja Innlent Segir „rasistum“ að leggja íslenska fánanum og fá sér sinn eigin Innlent Brottvísun Oscars frestað Innlent Vilja ný og öruggari bílastæði á samningslausu landi gróðrarstöðvar Innlent Fleiri fréttir Fundaði með borginni: „Hef upplifað ýmislegt en aldrei svona grimmd“ „Beðið um leyfi fyrir átta þúsund manns“ Bendir ríkisstjórn á „byrjendanámskeið í verkefnastjórnun“ Fundað vegna örtraðarinnar í höllinni Minnsta fylgi Framsóknar í 33 ára sögu þjóðarpúlsins Kalla út snjóruðningstæki og bændur koma búfé í skjól Vilja ný og öruggari bílastæði á samningslausu landi gróðrarstöðvar Óveður, yfirlið á tónleikum og málahali Ákváðu að stöðva ekki tónleikana: „Þá fyrst hefði skrattinn hitt ömmu sína“ Hvergi af baki dottinn og fer með áminninguna fyrir Landsrétt Flutt á sjúkrahús eftir bílslys á Háaleitisbraut „Yfirgnæfandi líkur“ á að Oscar fái íslenskan ríkisborgararétt Útskrifaður samdægurs eftir hnífaárás á Húsavík Gæti komið til lokana á vegum Selfosskirkjugarður að fyllast Í haldi grunaður um að hafa valdið alvarlegum áverkum Ungmenni réðust á varnarlaust fórnarlamb í skógræktinni á Akranesi Brottvísun Oscars frestað Segir vegið að rétti fatlaðra við uppbyggingu á Fannborgar- og Traðarreit Veitingamaður með langan brotaferil hlaut þunga sekt Faðir bræðranna sem létust segir úrræði gegn fíkn rjúkandi rúst Áminning Höskuldar stendur Þarf ekki að víkja úr dómsal: „Þegar þú drepst þá mun ég brosa“ Frá Goðafossi að Gróttuvita með hundrað kíló í eftirdragi Slæmt að fá hret á varptíma Verða boðaðir á fund lögreglu Lögregla boðar tónleikahaldara á sinn fund Segir „rasistum“ að leggja íslenska fánanum og fá sér sinn eigin Þorleifur keilari hvergi nærri af baki dottinn Áhugi á Bandaríkjareisum snarminnkar Sjá meira
Í beinni: Aðalmeðferð í Birnumálinu heldur áfram Aðalmeðferð í máli ákæruvaldsins gegn Thomas Frederik Møller Olsen heldur áfram í Héraðsdómi Reykjaness klukkan 9 í dag en hún hófst í gær. 22. ágúst 2017 07:00
Í beinni: Thomas Møller Olsen kemur fyrir dóm Aðalmeðferð í máli ákæruvaldsins gegn Thomas Frederik Møller Olsen hefst í Héraðsdómi Reykjaness klukkan 9.15 í dag. 21. ágúst 2017 07:15