Ólafía Ósk Finnsdóttir er Ungfrú Ísland 2017

Ólafía Ósk Finnsdóttir hreppti titilinn Ungfrú Ísland í fegurðarsamkeppninni sem fór fram í Hörpu í kvöld. Tuttugu og fjórar stúlkur kepptu um titilinn.

Ólafía Ósk starfar í farþegaþjónustu hjá Icelandair og langar til þess að stofna eigið fyrirtæki og sérhæfa sig í fatahönnun. Þá dreymir hana um að fara til Tanzaníu og vinna með börnum.

„Ég held þú þurfir ekki einu sinni að opna umslagið,“ sagði Birgitta Líf, framkvæmdastjóri keppninnar áður en hún krýndi Stefaníu Töru Þrastardóttur Vinsælustu stúlkuna 2017, svo viss var hún um að Stefanía yrði valin. 

Úrsúla Hanna Karlsdóttir hlaut titilinn Fyrirsætustúlkan 2017, Fanney Sandra Albertsdóttir hlaut titilinn Hæfileikastúlka 2017 og þá er Hrafnhildur Arnardóttir Íþróttastúlka 2017.

Hér að neðan er hægt að horfa á keppnina í heild sinni.