Fullkomin endurkoma týnda sonarins Ingvi Þór Sæmundsson skrifar 14. ágúst 2017 07:00 Wayne Rooney fagnaði af innlifun eftir að hafa skorað í sínum fyrsta leik fyrir Everton síðan 2004. Markið tryggði Bítlaborgarliðinu 1-0 sigur á Stoke City og Everton fer því vel af stað í ensku úrvalsdeildinni á þessu tímabili. vísir/getty Það er óhætt að segja að enska úrvalsdeildin hafi farið af stað með látum um helgina. Chelsea, Liverpool og Arsenal fengu öll á sig þrjú mörk, fyrstnefnda liðið tapaði óvænt fyrir Burnley og kláraði leikinn tveimur mönnum færri og Huddersfield er í 2. sæti deildarinnar eftir 0-3 sigur á Crystal Palace í sínum fyrsta leik í efstu deild í 45 ár. Og Wayne Rooney skoraði í sínum fyrsta deildarleik fyrir Everton í 13 ár, í 1-0 heimasigri á Stoke City. Þetta var 199. mark Rooneys í ensku úrvalsdeildinni. Aðeins Alan Shearer hefur skorað fleiri (260). „Þetta verður ekki mikið betra. Það skiptir mig miklu að spila fyrir þetta félag,“ sagði Rooney eftir leikinn á laugardaginn. Eftir afar farsælan feril hjá Manchester United þar sem hann vann allt sem hægt var að vinna fór Rooney á frjálsri sölu til Everton í sumar, liðsins sem hann ólst upp hjá og hóf ferilinn með.Wayne Rooney yfirgaf Manchester United í sumar og hélt á æskuslóðir í Bítlaborginni.Vísir/gettyMannsbarn stimplar sig inn Fyrsta mark Rooneys fyrir Everton gleymist seint. Þann 19. október 2002 kom hann inn á sem varamaður á 80. mínútu í leik Everton og ríkjandi meistara Arsenal. Tíu mínútum síðar fékk þetta 16 ára gamla mannsbarn boltann fyrir utan teig og þrumaði honum í slá og inn. Markið tryggði Everton þrjú stig, endaði 30 leikja taplausa hrinu Arsenal og breytti lífi Rooneys til frambúðar. Frá þessum degi hefur hann verið eitt af andlitum ensku úrvalsdeildarinnar og einn af þekktustu fótboltamönnum í heimi. Þótt Rooney verði ekki 32 ára fyrr en 24. október hefur hann spilað reglulega í ensku úrvalsdeildinni frá 2002. Alls hefur Rooney spilað 758 leiki með félags- og landsliði undanfarin 15 ár sem er býsna há tala. Þessi skrokkur hefur því þolað ýmislegt. Þrátt fyrir það var Ronald Koeman, knattspyrnustjóri Everton, tilbúinn að veðja á Rooney í sumar og fá hann til að fylla skarðið sem Romelu Lukaku skildi eftir sig í framlínu Everton. Koeman hrósaði Rooney í hástert eftir leikinn gegn Stoke. „Hann sýndi að hann er enn einn af þeim bestu í sinni stöðu,“ sagði Hollendingurinn. „Hann var í öðrum gæðaflokki með boltann. Honum leið vel með hann, tók réttar og góðar ákvarðanir og skoraði frábært mark. Ég get ekki beðið um meira en það.“Ronald Koeman, knattspyrnustjóri Everton, var ánægður með Rooney eftir sigurinn á Stoke.vísir/gettyKomnir með góðan kennara Everton er með nokkra unga og spennandi leikmenn. Koeman vonast til að Rooney hafi góð áhrif á þá. „Hann hefur verið lengi á toppnum. Hann vann titla og öðlaðist mikla reynslu. Við erum með nokkra unga leikmenn, þeir þurfa að læra og bæta sig og þeir eru með mjög góðan kennara,“ sagði Koeman. Einn af ungu mönnunum hjá Everton, Dominic Calvert-Lewin, lagði sigurmark Rooneys gegn Stoke upp með góðri fyrirgjöf.Settur smekklega til hliðar Rooney var farinn að láta á sjá síðustu árin sín hjá United. Krafturinn virtist vera horfinn, hann virkaði þungur á fótunum og mörkunum fækkaði. Rooney var fastamaður fyrstu mánuðina eftir að José Mourinho tók við United í fyrra en eftir því sem leið á tímabilið fækkaði tækifærunum. Mourinho setti Rooney smekklega til hliðar, án nokkurs drama. Rooney virtist líka ná skilaboðunum; að framtíð hans væri ekki á Old Trafford. Rooney náði þó að lyfta tveimur bikurum og bæta markamet Sir Bobbys Charlton áður en hann yfirgaf United. Alls skoraði Rooney 253 mörk fyrir United í 559 leikjum. Þótt síðustu árin hjá United hafi verið erfið og tvær beiðnir um sölu hafi farið illa í stuðningsmenn liðsins er Rooney goðsögn á Old Trafford. Hann varð fimm sinnum enskur meistari með United, einu sinni bikarmeistari, þrisvar sinnum deildabikarmeistari, vann Meistaradeild Evrópu, Evrópudeildina og heimsmeistarakeppni félagsliða með félaginu. Hann vann m.ö.o. allt með Rauðu djöflunum. Nú er Rooney mættur aftur í bláa búninginn til að taka þátt í uppbyggingu Koemans hjá Everton. Hollendingurinn hefur verið duglegur á félagaskiptamarkaðinum í sumar og er ekki hættur. Hann vill bæta tveimur varnarmönnum við og að sjálfsögðu Gylfa Þór Sigurðssyni sem hann telur vera síðasta púslið sem vantar. Enski boltinn Mest lesið „Hún er með hjartagalla en í góðum höndum núna og vonandi fer allt vel“ Íslenski boltinn Lið Aþenu og Brynjar Karl einum leik frá Subway-deildinni eftir spennutrylli Körfubolti Clattenburg hættur og segist hafa verið skotmark sérfræðinga Enski boltinn Óvænt úrslit í fyrstu umferð Lengjudeildarinnar Fótbolti „Ég er spennt að fara heim að sofa“ Íslenski boltinn „Þurfum að fá fleiri hjól undir bílinn“ Körfubolti „Það er búið að vera okkar merki í allan vetur að spila vörn“ Körfubolti Luton mistókst að koma sér úr fallsæti Enski boltinn Reiður Einar hellti sér yfir eftirlitsdómarana Handbolti Dagskráin í dag: Grindvíkingar í heimsókn til Keflavíkur Sport Fleiri fréttir Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Sjá meira
Það er óhætt að segja að enska úrvalsdeildin hafi farið af stað með látum um helgina. Chelsea, Liverpool og Arsenal fengu öll á sig þrjú mörk, fyrstnefnda liðið tapaði óvænt fyrir Burnley og kláraði leikinn tveimur mönnum færri og Huddersfield er í 2. sæti deildarinnar eftir 0-3 sigur á Crystal Palace í sínum fyrsta leik í efstu deild í 45 ár. Og Wayne Rooney skoraði í sínum fyrsta deildarleik fyrir Everton í 13 ár, í 1-0 heimasigri á Stoke City. Þetta var 199. mark Rooneys í ensku úrvalsdeildinni. Aðeins Alan Shearer hefur skorað fleiri (260). „Þetta verður ekki mikið betra. Það skiptir mig miklu að spila fyrir þetta félag,“ sagði Rooney eftir leikinn á laugardaginn. Eftir afar farsælan feril hjá Manchester United þar sem hann vann allt sem hægt var að vinna fór Rooney á frjálsri sölu til Everton í sumar, liðsins sem hann ólst upp hjá og hóf ferilinn með.Wayne Rooney yfirgaf Manchester United í sumar og hélt á æskuslóðir í Bítlaborginni.Vísir/gettyMannsbarn stimplar sig inn Fyrsta mark Rooneys fyrir Everton gleymist seint. Þann 19. október 2002 kom hann inn á sem varamaður á 80. mínútu í leik Everton og ríkjandi meistara Arsenal. Tíu mínútum síðar fékk þetta 16 ára gamla mannsbarn boltann fyrir utan teig og þrumaði honum í slá og inn. Markið tryggði Everton þrjú stig, endaði 30 leikja taplausa hrinu Arsenal og breytti lífi Rooneys til frambúðar. Frá þessum degi hefur hann verið eitt af andlitum ensku úrvalsdeildarinnar og einn af þekktustu fótboltamönnum í heimi. Þótt Rooney verði ekki 32 ára fyrr en 24. október hefur hann spilað reglulega í ensku úrvalsdeildinni frá 2002. Alls hefur Rooney spilað 758 leiki með félags- og landsliði undanfarin 15 ár sem er býsna há tala. Þessi skrokkur hefur því þolað ýmislegt. Þrátt fyrir það var Ronald Koeman, knattspyrnustjóri Everton, tilbúinn að veðja á Rooney í sumar og fá hann til að fylla skarðið sem Romelu Lukaku skildi eftir sig í framlínu Everton. Koeman hrósaði Rooney í hástert eftir leikinn gegn Stoke. „Hann sýndi að hann er enn einn af þeim bestu í sinni stöðu,“ sagði Hollendingurinn. „Hann var í öðrum gæðaflokki með boltann. Honum leið vel með hann, tók réttar og góðar ákvarðanir og skoraði frábært mark. Ég get ekki beðið um meira en það.“Ronald Koeman, knattspyrnustjóri Everton, var ánægður með Rooney eftir sigurinn á Stoke.vísir/gettyKomnir með góðan kennara Everton er með nokkra unga og spennandi leikmenn. Koeman vonast til að Rooney hafi góð áhrif á þá. „Hann hefur verið lengi á toppnum. Hann vann titla og öðlaðist mikla reynslu. Við erum með nokkra unga leikmenn, þeir þurfa að læra og bæta sig og þeir eru með mjög góðan kennara,“ sagði Koeman. Einn af ungu mönnunum hjá Everton, Dominic Calvert-Lewin, lagði sigurmark Rooneys gegn Stoke upp með góðri fyrirgjöf.Settur smekklega til hliðar Rooney var farinn að láta á sjá síðustu árin sín hjá United. Krafturinn virtist vera horfinn, hann virkaði þungur á fótunum og mörkunum fækkaði. Rooney var fastamaður fyrstu mánuðina eftir að José Mourinho tók við United í fyrra en eftir því sem leið á tímabilið fækkaði tækifærunum. Mourinho setti Rooney smekklega til hliðar, án nokkurs drama. Rooney virtist líka ná skilaboðunum; að framtíð hans væri ekki á Old Trafford. Rooney náði þó að lyfta tveimur bikurum og bæta markamet Sir Bobbys Charlton áður en hann yfirgaf United. Alls skoraði Rooney 253 mörk fyrir United í 559 leikjum. Þótt síðustu árin hjá United hafi verið erfið og tvær beiðnir um sölu hafi farið illa í stuðningsmenn liðsins er Rooney goðsögn á Old Trafford. Hann varð fimm sinnum enskur meistari með United, einu sinni bikarmeistari, þrisvar sinnum deildabikarmeistari, vann Meistaradeild Evrópu, Evrópudeildina og heimsmeistarakeppni félagsliða með félaginu. Hann vann m.ö.o. allt með Rauðu djöflunum. Nú er Rooney mættur aftur í bláa búninginn til að taka þátt í uppbyggingu Koemans hjá Everton. Hollendingurinn hefur verið duglegur á félagaskiptamarkaðinum í sumar og er ekki hættur. Hann vill bæta tveimur varnarmönnum við og að sjálfsögðu Gylfa Þór Sigurðssyni sem hann telur vera síðasta púslið sem vantar.
Enski boltinn Mest lesið „Hún er með hjartagalla en í góðum höndum núna og vonandi fer allt vel“ Íslenski boltinn Lið Aþenu og Brynjar Karl einum leik frá Subway-deildinni eftir spennutrylli Körfubolti Clattenburg hættur og segist hafa verið skotmark sérfræðinga Enski boltinn Óvænt úrslit í fyrstu umferð Lengjudeildarinnar Fótbolti „Ég er spennt að fara heim að sofa“ Íslenski boltinn „Þurfum að fá fleiri hjól undir bílinn“ Körfubolti „Það er búið að vera okkar merki í allan vetur að spila vörn“ Körfubolti Luton mistókst að koma sér úr fallsæti Enski boltinn Reiður Einar hellti sér yfir eftirlitsdómarana Handbolti Dagskráin í dag: Grindvíkingar í heimsókn til Keflavíkur Sport Fleiri fréttir Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Sjá meira