Forseti Póllands skrifar undir umdeild lög

Pólska ríkisstjórnin getur nú tilnefnt dómstjóra allra lægri dómstóla í landinu eftir að Andrzej Duda forseti skrifaði undir umdeild lög þess efnis. Forsetinn beitti neitunarvaldi sínu gegn tveimur öðrum lögum um breytingar á dómstólum.

Mikil mótmæli hafa geysað í Póllandi undanfarið vegna breytingar sem stjórnarflokkurinn Lög og réttlæti vill gera á dómskerfi landins. Gagnrýnendur laganan segja þau svipta dómstóla sjálfstæði sínu. Evrópusambandið hefur hótað Póllandi refsiaðgerðum taki lögin gildi.

Duda tilkynnti í gær að hann ætlaði að neita að skrifa undir tvenn lög sem hefðu gert ríkisstjórninni kleift að reka alla hæstaréttardómara landsins og skipa nýja í þeirra stað.

Lögin sem hann skrifaði undir í dag heimila dómsmálaráðherranum að velja dómstjóra lægri dómstóla. Andstæðingar laganna segja þau stangast á við stjórnarskrá, að því er segir í frétt The Guardian.