Bein útsending: Spjallað við Siggu Kling á Facebook Live
Lesendur Vísis geta spurt Siggu Kling að öllu milli himins og jarðar.
Stjörnuspár Sigríðar Klingenberg spámiðils hafa notið gríðarlega vinsælda undanfarin ár. Mánaðarlega spáir hún fyrir lesendum Vísis og Fréttablaðsins, í formi texta og myndbands, en spárnar fyrir júlí birtust í Fréttablaðinu og á Vísi í morgun.
Sigga leggur áherslu á að fólk geri það besta úr því sem það les, nýta sér orkuna, klappa sér á bakið og elska lífið. Spárnar einkennast af gleði, krafti, orku og jákvæðni en það eru skilaboðin sem hún vill senda til samfélagsins.
Vísir fór af stað með skemmtilega nýjung fyrir nokkrum mánuðum en þá var hægt að spjalla við Siggu Kling í beinni útsendingu á Facebook Live. Þetta verður að sjálfsögðu á dagskrá á ný í dag og býðst lesendum að bera fram spurningar um allt milli himins og jarðar.
Útsendingin hefst klukkan 14.
Sigga ætlar að gera sitt besta til að svara öllum spurningum og reyna þannig skyggnast inn í líf okkar lesenda. Hún getur einnig sagt ýmislegt um fortíð lesenda og framtíð þeirra ef þeir biðja hana um að rýna í fæðingardag sinn. Spákonan biðlar til lesenda Vísis að koma með einlægar spurningar sem koma frá hjartanu. Ekki sé nóg að senda aðeins fæðingardaginn. Með Sigríði til halds og trausts í útsendingunni verður Stefán Árni Pálsson, fréttamaður á Vísi.
Hægt er að fylgjast með útsendingunni í spilaranum hér að ofan en til að taka þátt þarf skrifa í þráðinn við útsendinguna á Facebook-síðu Vísis.
Elsku Krabbinn minn. Það ert þú sem heldur því uppi að lífið sé að gerast. Þú hefur svo mikla einlægni og faðmar að þér svo marga og það er svo mikilvægt að þú skoðir að feimni er ekki vinur þinn.
Stjörnuspár Sigríðar Klingenberg spámiðils hafa notið gríðarlega vinsælda undanfarin ár. Mánaðarlega spáir hún fyrir lesendum Vísis og Fréttablaðsins, í formi texta og myndbands, en spár hennar fyrir júlímánuð má sjá hér fyrir neðan.
Elsku Vatnsberinn minn, þér mun fylgja bæði gæfa og gjörvileiki. Þú hefur þá hæfileika að halda áfram þótt þú sjáir ekki alveg hvert þú ert að fara. Aldrei skerða það traust sem þú hefur á mannkyninu því þá verðurðu hræddur.
Elsku Steingeitin mín, alls ekki herpa bossann of mikið. Slakaðu bara á því að þitt er lífið og mátturinn. Þú hefur oft lent í erfiðum aðstæðum og erfiðleikar hafa bankað upp á hjá þér, en þú nærð alltaf að forða þér, það er bara í eðli þínu.
Elsku Nautið mitt. Þú ert svo tilfinningaríkt og hugmyndaríkt í öllu sem þú gerir en það er svo algengt að þú fáir bakþanka og hættir við það sem þig langar að gera og framkvæma. Þá verður þú svo prútt og stillt, en það fer þér engan veginn og gerir þig svo leiðinlegt!
Elsku Meyjan mín. Undanfarið hefur þú verið að vinna litla sigra og jafnvel stóra sigra, en þú átt það samt til að vera of gleymin á það hverju þú hefur áorkað í lífinu. Þannig að farðu nú að skrifa niður sigrana, því þú hefur unnið fleiri sigra en flestir.
