Portúgal vann Eurovision

Það var hinn portúgalski Salvador Sobral með lagið Amar Pelos Dois sem stóð uppi sem sigurvegari í Söngvakeppni evrópskra sjónvarpsstöðva árið 2017.

Hinn búlgarski Kristian Kostov lenti í öðru sæti með lagið Beautiful Mess, en Kostov er einungis 17 ára gamall. Moldavíska sveitin Sunstroke Project lenti í þriðja sæti með laginu Hey, Mamma!

Portúgal hefur aldrei áður unnið Eurovision. Þeir tóku fyrst þátt árið 1964 og náðu besta árangri sínum árið 1996 – sjötta sæti. Það er því óhætt að áætla að Salvador Sobral sé núna sannkölluð þjóðarhetja í Portúgal.

Hér að neðan má heyra lagið eins og það hljómaði á sviðinu í kvöld.

Og hér má sjá þegar Salvador Sobral varð sigurvegari Söngvakeppni evrópskra sjónvarpsstöðva 2017:

The WINNER of the #ESC2017 is Portugal! CONGRATULATIONS Salvador Sobral!!! #CelebrateDiversity pic.twitter.com/uMvU4fFf9Z

— Eurovision (@Eurovision) May 13, 2017