Svala komst ekki í úrslit Eurovision

Svala Björgvinsdóttir verður ekki á meðal keppenda á úrslitakvöldi Eurovision næstkomandi laugardagskvöld. Svala flutti lagið Paper í fyrri undanriðli keppninnar í Kænugarði í kvöld og var ekki á meðal þeirra tíu laga sem fóru áfram. Þetta er þriðja árið í röð sem Ísland kemst ekki í úrslit.

 

Þær þjóðir sem komust áfram eru:

• Moldavía
• Aserbaídsjan
• Grikkland
• Svíþjóð
• Portúgal
• Pólland
• Armenía
• Ástralía
• Kýpur
• Belgía

Í fyrra fór Greta Salóme í Eurovision fyrir Íslands hönd með lagið Hear Them Callin. Hún komst ekki áfram.

Árið 2015 fór María Ólafsdóttir í Eurovision með lagið Unbroken og komst ekki áfram.

Sjö sinnum í röð fór Ísland í úrslit Eurovision árin á undan.

Árið 2014 fór Pollapönk í úrslit með lagið No Prejudice

Árið 2013 fór Eyþór Ingi Gunnlaugsson í úrslit með lagið Ég á líf

Árið 2012 fóru Greta Salóme og Jónsi í úrslit Eurovision með lagið Never Forget

Árið 2011 fóru Vinir Sjonna í úrslit með lagið Coming Home

Árið 2010 fór Hera Björk í úrslit með lagið Je ne sais Quoi

Árið 2009 fór Jóhanna Guðrún í úrslit með lagið Is it True?

Árið 2008 fór Eurobandið í úrslit með lagið This Is My Life