Þrír látnir eftir alvarlegt rútuslys í Svíþjóð

Þrír eru látnir og um 30 slasaðir eftir að rúta valt í Svíþjóð í morgun. Um sextíu farþegar voru um borð, flestir grunnskólanemendur.

Í frétt sænska ríkissjónvarpsins segir að nemendurnir hafi verið á leið í skíðaferðalag. 52 nemendur voru um borð, sex fullorðnir í fylgd með þeim, auk ökumanns.

Þrír hafa verið úrskurðaðir látnir og sex eru alvarlega særðir en alls hafa ellefu farþegar verið fluttir á sjúkrahús í grennd við slysstað.

Vitni á slysstað segir að flestir um borð í rútunni hafi verið sofandi þegar slysið átti sér stað. Rútan fór út af veginum og á hliðina. Óttast var um tíma að einhverjir farþegar hefðu lent undir rútunni en samkvæmt frétt Expressen reyndist svo ekki vera.

Tildrög slyssins eru ókunn.

Personer vårdas mitt på vägen efter svåra bussolyckan på E45.https://t.co/4fEfccAtzW pic.twitter.com/ZWF1E9FpVA

— Aftonbladet (@Aftonbladet) April 2, 2017