Hún heitir Fran Belibi og er 15 ára gömul körfuboltastelpa sem getur troðið | Myndband

Francesca Belibi er fimmtán ára gömul körfuboltastelpa sem spilar með Regis Jesuit-menntaskólanum í Bandaríkjunum. Hún er 184 cm á hæð og getur troðið.

Belibi er fyrsta stelpan í sögu skólans sem hefur troðið í leik en myndbönd af troðslum hennar hafa farið eins og eldur í sinu um netheima í vetur.

Bleacher Report og samstarfi við Powerade gerði smá innslag um þessa mögnuðu körfuboltastelpu sem má sjá í spilaranum hér að neðan en þar talar hún um fyrstu troðsluna.

Liðsfélagar hennar ætluðu ekki að trúa eigin augum þegar þeir sáu Belibi svífa upp að hringnum og negla boltanum í fyrsta sinn en nú eru þeir orðnir vanir að sjá hana troða nánast í hverjum leik.