Lífið

Beyonce er ólétt af tvíburum

atli ísleifsson skrifar
Queen Bey.
Queen Bey. instagram
Beyonce og Jay Z eiga von á tvíburum. Poppdívan greindi frá þessu á Instagram-síðu sinni fyrir skemmstu.

„Við erum ótrúlega þakklát að það muni fjölga um tvo í fjölskyldunni og viðviljum þakka ykkur fyrir heillaóskir ykkar,“ segir Beyonce meðal annars í færslunni.

Hin 35 ára Beyonce og hinn 47 ára Jay Z eiga fyrir Blue Ivy Carter sem kom í heiminn 7. janúar 2012.

Snemma vetrar 2014 var því slegið upp í erlendum miðlum að hjónakornin vildu gjarnan að næsta barn sitt yrði getið í Evrópu. Þar var sérstaklega talað um Frakkland og að parið langi til að setjast þar að til lengri tíma en dóttir þeirra, Blue Ivy, var einmitt getin í París.

Carter-hjónin eru svokallaðir Íslandsvinir og komu til landsins í desembermánuðu 2014. Þau gengu í það heilaga árið 2008.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.