Guðni Th. fór á kostum: „Ég sagði handrit, ekki Andrés“

Guðni Th. Jóhannesson forseti Ísland lék við hvurn sinn fingur í ávarpi sínum á Menntadögum Samtaka atvinnulífsins í morgun. Gerði hann góðlátlegt grín að menningararfinum og Andrésarblaði sem hann fékk sent í pósti í gær.

Heimsótti Guðni Árnastofnun í Kaupmannahöfn á meðan á opinberri heimsókn hans þar í landi stóð. Þar minntist Guðni á að gaman væri að fleiri forn íslensk handrit sem þar eru geymd heim til Íslands.

„Þar fórum við á Árnastofnun og þar kynntum við þann hluta menningararfs okkar sem þar er að finna, handritin. Vissulega fengum við stóran hluta af þeim hingað og það væri gaman að fá meira. Ég hafði nú orð á því úti,“ sagði Guðni.

Í gær greindi Guðni svo frá því að hann hefði fengið sent Andrésar Andarblað frá dönskum safnara en í ræðu sinni í hátíðarkvöldverði drottningar minntist Guðni á hvað hann hafði haft gaman af því að lesa slík blöð í æsku.

Sagði Guðni þá brandara sem gerði það að verkum að salurinn sprakk úr hlátri.

„Ég sagði handrit, ekki Andrés,“ en viðurkenndi Guðni reyndar að hann hefði stolið brandaranum frá vini sínum.