Flugfreyjur skrifa undir kjarasamning

Flugfreyjur hjá Flugfélagi Íslands skrifuðu undir nýjan kjarasamning við flugfélag Íslands nú á tólfta tímanum. Verkfalli flugfreyja hefur því verið aflýst en það átti að standa í þrjá daga. Rúv greinir frá.

Kjarasamningur þeirra við flugfélagið rann út um þarsíðustu áramót og hafa flugfreyjur því verið samningslausar í eitt ár. Tvívegis hafa þó náðst samningar en þeir voru báðir felldir í atkvæðagreiðslu félagsmanna.

Þriggja daga verkfallið átti að hefjast á morgun en ótímabundið verkfall átti að hefjast þann 6. febrúar. Verkfallið hefði náð til alls innanlandsflugs á vegum Flugfélags Íslands auk flugs til Grænlands og Skotlands.