Um 150 manns vinna að stækkun Búrfellsvirkjunar

Stækkun Búrfellsvirkjunar gengur ágætlega. Byggingaframkvæmdir hafa undanfarið einkum verið neðanjarðar en neðanjarðargreftri er að mestu lokið.

Í frétt Landsvirkjunar segir að á síðasta ári fór fjöldi starfsmanna á verkstað upp í um 150 og voru þeir langflestir á vegum byggingaverktakans ÍAV Marti. Þar af var um helmingur erlendir starfsmenn og voru Slóvakar þar fjölmennastir en þeir störfuðu einkum við jarðgangavinnuna. Á næstu vikum bætast við starfsmenn á vegum framleiðanda vél- og rafbúnaðar, og er gert ráð fyrir að heildarfjöldi á verkstað fari upp í tæplega 200 manns með haustinu. Eftir það fer starfsmönnum fækkandi á ný.

Framkvæmdir við aðrennslisskurð eru komnar í vetrarstopp, en þar er búið að moka út um 70% af áætluðu magni. Undirverktaki ÍAV Marti, Ístak, hefur séð um þennan verkþátt og mun hann aftur hefja þar störf í vor. Búið er að bora bæði kapal- og fallgöng en þau eru hvor um sig rúmlega 100 metrar á lengd. Aðkomu- og frárennslisgöng eru nú komin í fulla lengd en það eru samtals um 650 metrar.

Í byrjun desember hélt ÍAV Marti upp á hátíð heilagrar Barböru en hún er verndari þeirra sem vinna við jarðvinnu ýmiss konar, svo sem jarðgangagerð, malargerð, vegagerð og jarðyrkju. Haldin var hátíðleg athöfn í aðkomugöngum þar sem lofgjörð var flutt og líkneski heilagrar Barböru komið þar fyrir til verndar starfsmönnum við framkvæmd.

Verkið er nokkurn veginn á áætlun en áætlað er að gangsetja virkjunina í lok maí 2018 en þá mun taka við frágangsvinna og landmótun á svæðinu.

Gunnar Einarsson, bæjarstjóri Garðabæjar, segist fagna því ef umboðsmaður ætli að skoða þetta mál. Ekkert í samningagerð Garðabæjar eigi hins vegar að gefa tilefni til þess. „Þetta er dæmalaus málflutningur og hefur margoft verið hrakinn,“ segir Gunnar. „Samningarnir eru allir opinberir og því er þetta hið besta mál.“

„Hið rétta er að Klasi keypti árið 2006 tvær lóðir á Garðatorgi og uppkaupsverðið var 1,2 milljarðar króna. Með því greiddi Klasi fyrir byggingarrétt á öðrum lóðum. Við hrunið og frestun framkvæmda hafi byggingarmagnið verið minnkað og því hafi Klasi átt inni byggingarrétt. Garðabær ráðstafaði þá byggingarrétti upp á þann mismun með úthlutun á fimm einbýlishúsalóðum sem var afar hagstæð ráðstöfun fyrir bæinn,“ bætir Gunnar við.

Fréttin birtist fyrst í Fréttablaðinu.