Lóðir í Reykjanesbæ rifnar út á síðasta ári Svavar Hávarðsson skrifar 19. janúar 2017 07:00 Ef fram heldur sem horfir er að hefjast fordæmalaus uppbygging í Reykjanesbæ – sem tengist ekki síst fjölgun ferðamanna á Íslandi. Mynd/Reykjanesbær/Oddgeir Algjör viðsnúningur hefur orðið í eftirspurn eftir lóðum í Reykjanesbæ. Um árabil var engum lóðum úthlutað en nú eru allar lóðir eftirsóttar hvort sem þær eru ætlaðar undir íbúðar- eða atvinnuhúsnæði. Eysteinn Eyjólfsson, formaður umhverfis- og skipulagsráðs Reykjanesbæjar, segir merki um áhuga á lóðum í Reykjanesbæ hafa kviknað um mitt árið 2015, en í fyrra hafi skriðan farið af stað. „Undanfarna mánuði höfum við úthlutað fjölda lóða undir allar tegundir húsnæðis, en einnig stórum lóðum fyrir flug- og þjónustutengda starfsemi sem samþykktar voru í síðasta deiliskipulagi. Þær fóru allar,“ segir Eysteinn. „Þetta er ánægjuleg þróun en þess utan fóru stórar lóðir við flugvöllinn.“ Eysteinn bendir á að skipulögð hafi verið íbúðabyggð í svokölluðu Hlíðahverfi – en svæðið er meðal heimamanna oftast kallað nikkel-svæðið fyrir ofan Reykjaneshöllina. Byggingarfélag Gylfa og Gunnars keypti það af Landsbankanum fyrir um 650 milljónir króna, en þar rísa á fjórða hundrað íbúðir. Þá eru komnar á deiliskipulag fjórar blokkir á Vatnsnesi fyrir 90 íbúðir og auglýstar hafa verið 72 íbúðir við Keflavíkina sjálfa og fleiri við Nesvelli.Eysteinn Eyjólfsson„Við eigum lóðir fyrir áætlaða vaxtarþörf okkar til ársins 2019. Eins höfum við endurskipulagt aðalskipulag sveitarfélagsins, sem er að fara í auglýsingu, og þar verður leitast við að þétta byggð. Reykjanesbær fór seint inn í byggingarbóluna miklu fyrir hrun, þannig að við áttum skipulögð hverfi þar sem gatna- og holræsagerð, auk annarrar uppbyggingar, var lokið. Þau eru að byggjast upp núna en þar hafa legið ónotaðar fjárfestingar í næstum því áratug,“ segir Eysteinn. „Þetta segir allt um ástandið sem hér var eftir hrun, en ég held að við höfum ekki úthlutað lóð hér í Reykjanesbæ í ein þrjú ár.“ Þegar tölur, sem Reykjanesbær tók saman fyrir Fréttablaðið um lóðaúthlutanir, eru skoðaðar, fást orð Eysteins staðfest. Engum lóðum var úthlutað árin 2010, 2012 og 2013 en aðeins tveimur einbýlishúsalóðum árið 2009. Árið 2011 var einni raðhúsalóð og einni lóð fyrir atvinnuhúsnæði úthlutað – alls fjórum lóðum á fimm ára tímabili frá 2009 til 2013. Tölur ársins 2016 segja hins vegar allt aðra sögu – svo vægt sé til orða tekið. 49 lóðum var úthlutað á fáeinum mánuðum; sautján fyrir einbýli, átta undir raðhús og fimm undir parhús. Þá eru ótaldar nítján lóðir undir atvinnuhúsnæði sem flestar eru á svæðinu Flugvöllum – en þessum lóðum var úthlutað á nokkrum dögum eftir að þær stóðu til boða. Eins og Fréttablaðið greindi frá í október hefur staðan á fasteignamarkaði á Suðurnesjum gjörbreyst á stuttum tíma en eftirspurn eftir eldra húsnæði er nú meiri en framboð. Þinglýstir kaupsamningar á fyrstu níu mánuðum síðasta árs voru til dæmis helmingi fleiri en allt árið 2013, eða 361, sýna tölur frá Þjóðskrá Íslands. Árið eftir voru þeir 522 og 733 árið 2015. Á síðasta ári voru þeir nálægt þúsund talsins. Á sama tíma er fordæmalausri fjölgun starfa spáð á svæðinu á næstu árum og áratugum, með fyrirsjáanlegum þrýstingi á fasteignamarkaðinn. Því er spáð að fjölgun starfa á Keflavíkurflugvelli næstu tvo áratugina jafngildi að meðaltali einu álveri árlega – eða rúmlega 400 manns. Rætist þessi spá verður það gríðarlega flókið verkefni fyrir sveitarfélögin á Suðurnesjum að mæta þeirri fólksfjölgun sem um ræðir og virðist án fordæma. Í nýlegri greiningu Íslandsbanka segir einnig að laun hafi hækkað á bilinu tíu til 22 prósent eftir landshlutum frá 2010, og hefur mesta launahækkunin átt sér stað á Suðurnesjum, eða 22 prósent, en þar á eftir kemur höfuðborgarsvæðið með sautján prósent. Sé launaþróun á Suðurnesjum skoðuð í samhengi við þróun á íbúðaverði sést að laun hafa hækkað um 29 prósentustig umfram íbúðaverð, segir þar. Skal hafa hugfast að árið 2009 bankaði atvinnuleysi á Suðurnesjum undir 20 prósenta markið en mælist varla í dag. Ef spár Isavia og fleiri um fjölgun farþega og nauðsynlega uppbyggingu á Keflavíkurflugvelli ganga eftir mun það hafa mikil áhrif á öll sveitarfélögin á Suðurnesjum. Sem viðbragð við spánni lagði Heklan – Atvinnuþróunarfélag Suðurnesja til að unnin yrði nákvæm innviðagreining á svæðinu svo sveitarfélögin geti unnið stefnumörkun um atvinnu- og samfélagsuppbyggingu til að mæta þeim miklu breytingum sem fyrirsjáanlegar eru. Talið er líklegt að íbúar á Suðurnesjum verði tæplega 35.000 árið 2030 og hafi þá svo gott sem náð íbúafjölda Norðausturlands – annars þéttbýlasta landsvæðisins hérlendis. Fréttin birtist fyrst í Fréttablaðinu Birtist í Fréttablaðinu Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Algjör viðsnúningur hefur orðið í eftirspurn eftir lóðum í Reykjanesbæ. Um árabil var engum lóðum úthlutað en nú eru allar lóðir eftirsóttar hvort sem þær eru ætlaðar undir íbúðar- eða atvinnuhúsnæði. Eysteinn Eyjólfsson, formaður umhverfis- og skipulagsráðs Reykjanesbæjar, segir merki um áhuga á lóðum í Reykjanesbæ hafa kviknað um mitt árið 2015, en í fyrra hafi skriðan farið af stað. „Undanfarna mánuði höfum við úthlutað fjölda lóða undir allar tegundir húsnæðis, en einnig stórum lóðum fyrir flug- og þjónustutengda starfsemi sem samþykktar voru í síðasta deiliskipulagi. Þær fóru allar,“ segir Eysteinn. „Þetta er ánægjuleg þróun en þess utan fóru stórar lóðir við flugvöllinn.“ Eysteinn bendir á að skipulögð hafi verið íbúðabyggð í svokölluðu Hlíðahverfi – en svæðið er meðal heimamanna oftast kallað nikkel-svæðið fyrir ofan Reykjaneshöllina. Byggingarfélag Gylfa og Gunnars keypti það af Landsbankanum fyrir um 650 milljónir króna, en þar rísa á fjórða hundrað íbúðir. Þá eru komnar á deiliskipulag fjórar blokkir á Vatnsnesi fyrir 90 íbúðir og auglýstar hafa verið 72 íbúðir við Keflavíkina sjálfa og fleiri við Nesvelli.Eysteinn Eyjólfsson„Við eigum lóðir fyrir áætlaða vaxtarþörf okkar til ársins 2019. Eins höfum við endurskipulagt aðalskipulag sveitarfélagsins, sem er að fara í auglýsingu, og þar verður leitast við að þétta byggð. Reykjanesbær fór seint inn í byggingarbóluna miklu fyrir hrun, þannig að við áttum skipulögð hverfi þar sem gatna- og holræsagerð, auk annarrar uppbyggingar, var lokið. Þau eru að byggjast upp núna en þar hafa legið ónotaðar fjárfestingar í næstum því áratug,“ segir Eysteinn. „Þetta segir allt um ástandið sem hér var eftir hrun, en ég held að við höfum ekki úthlutað lóð hér í Reykjanesbæ í ein þrjú ár.“ Þegar tölur, sem Reykjanesbær tók saman fyrir Fréttablaðið um lóðaúthlutanir, eru skoðaðar, fást orð Eysteins staðfest. Engum lóðum var úthlutað árin 2010, 2012 og 2013 en aðeins tveimur einbýlishúsalóðum árið 2009. Árið 2011 var einni raðhúsalóð og einni lóð fyrir atvinnuhúsnæði úthlutað – alls fjórum lóðum á fimm ára tímabili frá 2009 til 2013. Tölur ársins 2016 segja hins vegar allt aðra sögu – svo vægt sé til orða tekið. 49 lóðum var úthlutað á fáeinum mánuðum; sautján fyrir einbýli, átta undir raðhús og fimm undir parhús. Þá eru ótaldar nítján lóðir undir atvinnuhúsnæði sem flestar eru á svæðinu Flugvöllum – en þessum lóðum var úthlutað á nokkrum dögum eftir að þær stóðu til boða. Eins og Fréttablaðið greindi frá í október hefur staðan á fasteignamarkaði á Suðurnesjum gjörbreyst á stuttum tíma en eftirspurn eftir eldra húsnæði er nú meiri en framboð. Þinglýstir kaupsamningar á fyrstu níu mánuðum síðasta árs voru til dæmis helmingi fleiri en allt árið 2013, eða 361, sýna tölur frá Þjóðskrá Íslands. Árið eftir voru þeir 522 og 733 árið 2015. Á síðasta ári voru þeir nálægt þúsund talsins. Á sama tíma er fordæmalausri fjölgun starfa spáð á svæðinu á næstu árum og áratugum, með fyrirsjáanlegum þrýstingi á fasteignamarkaðinn. Því er spáð að fjölgun starfa á Keflavíkurflugvelli næstu tvo áratugina jafngildi að meðaltali einu álveri árlega – eða rúmlega 400 manns. Rætist þessi spá verður það gríðarlega flókið verkefni fyrir sveitarfélögin á Suðurnesjum að mæta þeirri fólksfjölgun sem um ræðir og virðist án fordæma. Í nýlegri greiningu Íslandsbanka segir einnig að laun hafi hækkað á bilinu tíu til 22 prósent eftir landshlutum frá 2010, og hefur mesta launahækkunin átt sér stað á Suðurnesjum, eða 22 prósent, en þar á eftir kemur höfuðborgarsvæðið með sautján prósent. Sé launaþróun á Suðurnesjum skoðuð í samhengi við þróun á íbúðaverði sést að laun hafa hækkað um 29 prósentustig umfram íbúðaverð, segir þar. Skal hafa hugfast að árið 2009 bankaði atvinnuleysi á Suðurnesjum undir 20 prósenta markið en mælist varla í dag. Ef spár Isavia og fleiri um fjölgun farþega og nauðsynlega uppbyggingu á Keflavíkurflugvelli ganga eftir mun það hafa mikil áhrif á öll sveitarfélögin á Suðurnesjum. Sem viðbragð við spánni lagði Heklan – Atvinnuþróunarfélag Suðurnesja til að unnin yrði nákvæm innviðagreining á svæðinu svo sveitarfélögin geti unnið stefnumörkun um atvinnu- og samfélagsuppbyggingu til að mæta þeim miklu breytingum sem fyrirsjáanlegar eru. Talið er líklegt að íbúar á Suðurnesjum verði tæplega 35.000 árið 2030 og hafi þá svo gott sem náð íbúafjölda Norðausturlands – annars þéttbýlasta landsvæðisins hérlendis. Fréttin birtist fyrst í Fréttablaðinu
Birtist í Fréttablaðinu Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira