Alexander með stórleik í sigri Löwen

Rhein-Neckar Löwen var ekki í vandræðum með lið Leipzig í þýsku úrvalsdeildinni í handbolta.

Ljónin fóru með sex marka sigur, 23-29, en höfðu mest verið með tíu stiga forystu í leiknum.

Guðjón Valur Sigurðsson skoraði 5 mörk fyrir Rhein-Neckar í dag og Alexander Petersson skoraði lítil 9 mörk.

Alexander var markahæstur inni á vellinum í dag og var hann einnig með frábæra nýtingu, en hann klúðraði aðeins einu skoti sem skilaði honum 90 prósenta nýtingu.

Staðan í hálfleik var 13-15 fyrir Löwen, en gestirnir tóku öll völd í seinni hálfleik og unnu að lokum öruggan sigur.

Með sigrinum klifraði Löwen upp fyrir Flensburg-Handewitt í annað sæti deildarinnar með 20 stig eftir 11 leiki. Liðið er einu stigi á eftir Fuchse Berlin, en Berlínarmenn hafa leikið þrettán leiki.