Þrjú handtekin með kókaín í Leifsstöð

Tveir karlmenn og ein kona voru nýverið stöðvuð af tollvörðum í Leifsstöð, grunuð um að hafa meðferðis á annað hundrað grömm af kókaíni í farangri sínum.

Fólkið var að koma frá Spáni og var farangur þeirra tekinn til skoðunar við hefðbundið eftirlit. Kom þá í ljós að í mittistösku sem eitt þeirr abar voru tæplega 100 grömm af efni sem talið er vera kókaín. Í sameiginlegri ferðatösku þeirra fannst svo meira af efninu. 

Haft var samband við lögregluna á Suðurnesjum og tóku lögreglumenn við fólkinu, efninu og farangri þess til frekari skoðunar. Málið er nú til rannsóknar hjá lögreglu.