Níu látnir eftir jarðskjálftann

Að minnsta kosti níu eru látnir og tvö hundruð og fimmtíu slasaðir eftir öflugan jarðskjálfta sem skók suðurhluta Japans í gær.

Óttast er að tugir manna séu fastir undir rústum húsa, en nokkrar byggingar hrundu í skjálftanum. Skjálftinn var að stærðinni 6,5 og átti upptök sín í Kumamato héraði í Japan. Rafmagnslaust er í stórum hluta héraðsins.

Fjöldi björgunarmanna hefur verið sendur á staðinn en björgunaraðgerðir ganga nokkuð erfiðlega vegna eftirskjálfta.  Ekki hefur verið gefin út flóðbylgjuviðvörun.