Sigmundur Davíð boðar endurkomu sína á vettvang stjórnmálanna Jakob Bjarnar skrifar 25. júlí 2016 14:32 Sigmundur Davíð býst við heiftarlegum viðbrögðum nú þegar hann stígur aftur inn á hið pólitíska svið. visir/friðrik þór Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, boðar endurkomu sína á vettvang stjórnmálanna eftir hlé. Hann býst við heiftarlegum viðbrögðum í sinn garð og Framsóknarmanna en brýnir menn til að láta það ekki slá sig út af laginu. Þá telur hann kosningar í haust með öllu óþarfar -- fyrst þurfi að klára verkin. Þetta kemur fram í bréfi sem hann sendi Framsóknarmönnum nú fyrir stundu þar sem hann fer yfir stöðu mála og sviðið. Bréfið barst flokksmönnum í PDF-skjali, og er á þessa leið, í endursögn og styttingu Vísis:Sigmundur segist njóta mikils stuðnings Hann tilkynnir sínu fólki að hann sé kominn heim eftir tveggja vikna ferð um landið og meðan samfélagið hefur verið í júlídvala og margir í sumarfríi, „hef ég svo notað tímann til að skrifa, fræðast og leita nýrra sóknarfæra fyrir landið okkar.“ Sigmundur Davíð tæpir á miklum árangri sem náðst hefur en þrátt fyrir það „stöndum við frammi fyrir stórri, raunverulegri og aðkallandi hættu á að árangrinum verði kastað á glæ. Við því þurfum við að bregðast og það má ekki bíða lengur,“ segir Sigmundur Davíð, en fer aðeins yfir sína stöðu áður en hann snýr sér að alvöru mála. Hann segist hafa dregið sig um tíma út úr hinum pólitíska slag svo ríkisstjórnin gæti unnið að „gríðarlega mikilvægum og ókláruðum verkefnum á meðan mál væru að skýrast.“ Og, nú liggja staðreyndir fyrir, segir Sigmundur Davíð: hann nýtur mikils stuðnings flokksfélaga og fjölda fólks einnig sem ekki tekur þátt í stjórnmálastarfi. Svo víkur hann að komandi kosningum.Engin ástæða til kosninga í haust „Einhverra hluta vegna hefur hluti samstarfsmanna okkar í Sjálfstæðisflokknum verið áhugasamur um að flýta alþingiskosningum. Við höfum ætíð haldið því til haga að ef sú ætti að vera raunin þyrfti fyrst að klára þau verkefni sem fyrirheit hafa verið gefin um að leysa á þessu kjörtímabili. Ríkisstjórnin sem ekki nýtir tímann sem henni er veittur getur ekki gengið út frá því sem vísu að hún fái tækifæri til að klára verkefnin síðar.“ Og Sigmundur Davíð heldur áfram: „Eins og sakir standa eru litlar líkur á að nokkur flokkur nái meira en 30 prósenta fylgi í næstu kosningum og jafnvel slíkt fylgi veitir ekki vissu fyrir aðild að næstu ríkisstjórn. Aðrir munu ekki klára vinnu okkar í verðtryggingarmálinu, þeir munu ekki koma á heilbrigðu fjármálakerfi eins og nú er loks tækifæri til og þeir munu ekki gera það sem þarf til að efla byggð á landinu öllu. Tíminn til að standa við loforðin sem við höfum gefið er því núna.“Sigmundur býst við ofsafengnum viðbrögðum við sér Sigmundur Davíð segir þennan „góða árangur“ vissulega auka líkurnar á „að við fáum tækifæri til að vinna nýja sigra í þágu almennings að loknum kosningum,“ en flokkurinn verði að sýna að hann sé reiðubúinn að klára verkefnin. Sigmundur boðar fulla þátttöku sína í stjórnmálabaráttunni. „Það mun vissulega vekja viðbrögð. Látið það ekki slá ykkur út af laginu. Viðbrögð, jafnvel ofsafengin viðbrögð gegn mér og okkur eru nú sem fyrr til marks um að andstæðingar telja að sér standi ógn að okkur.“ Bréfi sínu lýkur Sigmundur Davíð á orðunum: „Íslandi allt!“ Kosningar 2016 Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Börn lögð inn með kíghósta Innlent Sautján greinst með kíghósta og inflúensan enn að dreifa sér Innlent Fleiri fréttir Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Sjá meira
Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, boðar endurkomu sína á vettvang stjórnmálanna eftir hlé. Hann býst við heiftarlegum viðbrögðum í sinn garð og Framsóknarmanna en brýnir menn til að láta það ekki slá sig út af laginu. Þá telur hann kosningar í haust með öllu óþarfar -- fyrst þurfi að klára verkin. Þetta kemur fram í bréfi sem hann sendi Framsóknarmönnum nú fyrir stundu þar sem hann fer yfir stöðu mála og sviðið. Bréfið barst flokksmönnum í PDF-skjali, og er á þessa leið, í endursögn og styttingu Vísis:Sigmundur segist njóta mikils stuðnings Hann tilkynnir sínu fólki að hann sé kominn heim eftir tveggja vikna ferð um landið og meðan samfélagið hefur verið í júlídvala og margir í sumarfríi, „hef ég svo notað tímann til að skrifa, fræðast og leita nýrra sóknarfæra fyrir landið okkar.“ Sigmundur Davíð tæpir á miklum árangri sem náðst hefur en þrátt fyrir það „stöndum við frammi fyrir stórri, raunverulegri og aðkallandi hættu á að árangrinum verði kastað á glæ. Við því þurfum við að bregðast og það má ekki bíða lengur,“ segir Sigmundur Davíð, en fer aðeins yfir sína stöðu áður en hann snýr sér að alvöru mála. Hann segist hafa dregið sig um tíma út úr hinum pólitíska slag svo ríkisstjórnin gæti unnið að „gríðarlega mikilvægum og ókláruðum verkefnum á meðan mál væru að skýrast.“ Og, nú liggja staðreyndir fyrir, segir Sigmundur Davíð: hann nýtur mikils stuðnings flokksfélaga og fjölda fólks einnig sem ekki tekur þátt í stjórnmálastarfi. Svo víkur hann að komandi kosningum.Engin ástæða til kosninga í haust „Einhverra hluta vegna hefur hluti samstarfsmanna okkar í Sjálfstæðisflokknum verið áhugasamur um að flýta alþingiskosningum. Við höfum ætíð haldið því til haga að ef sú ætti að vera raunin þyrfti fyrst að klára þau verkefni sem fyrirheit hafa verið gefin um að leysa á þessu kjörtímabili. Ríkisstjórnin sem ekki nýtir tímann sem henni er veittur getur ekki gengið út frá því sem vísu að hún fái tækifæri til að klára verkefnin síðar.“ Og Sigmundur Davíð heldur áfram: „Eins og sakir standa eru litlar líkur á að nokkur flokkur nái meira en 30 prósenta fylgi í næstu kosningum og jafnvel slíkt fylgi veitir ekki vissu fyrir aðild að næstu ríkisstjórn. Aðrir munu ekki klára vinnu okkar í verðtryggingarmálinu, þeir munu ekki koma á heilbrigðu fjármálakerfi eins og nú er loks tækifæri til og þeir munu ekki gera það sem þarf til að efla byggð á landinu öllu. Tíminn til að standa við loforðin sem við höfum gefið er því núna.“Sigmundur býst við ofsafengnum viðbrögðum við sér Sigmundur Davíð segir þennan „góða árangur“ vissulega auka líkurnar á „að við fáum tækifæri til að vinna nýja sigra í þágu almennings að loknum kosningum,“ en flokkurinn verði að sýna að hann sé reiðubúinn að klára verkefnin. Sigmundur boðar fulla þátttöku sína í stjórnmálabaráttunni. „Það mun vissulega vekja viðbrögð. Látið það ekki slá ykkur út af laginu. Viðbrögð, jafnvel ofsafengin viðbrögð gegn mér og okkur eru nú sem fyrr til marks um að andstæðingar telja að sér standi ógn að okkur.“ Bréfi sínu lýkur Sigmundur Davíð á orðunum: „Íslandi allt!“
Kosningar 2016 Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Börn lögð inn með kíghósta Innlent Sautján greinst með kíghósta og inflúensan enn að dreifa sér Innlent Fleiri fréttir Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Sjá meira