John Oliver um skelfilega tímasettu fagnaðarlætin í ræðu Michelle Obama

Breski þáttastjórnandinn John Oliver tók fyrir flokksþing Demókrataflokksins í þætti sínum Last Week Tonight síðastliðið sunnudagskvöld.

Líkt og Oliver er von og visa var umfjöllunin óborganleg, en hann tók þar meðal annars fyrir margrómaða ræðu forsetafrúarinnar Michelle Obama.

Í ræðunni minntist Obama þess meðal annars að hún vaknaði á hverjum degi í húsi sem reist var af þrælum og geti fylgst með tveimur dætrum sínum að leik á lóð Hvíta hússins. Hnýtti Oliver þó í gesti flokkþingsins fyrir að fagna gríðarlega við setninguna um að hún vaknaði í húsi reistu af þrælum.

Þá sagði hann varaforsetann Joe Biden greinilega eiga framtíð fyrir sér sem spinningþjálfari eftir að sýna brot úr ræðu hans.

Sjá má umfjöllunina að neðan.