Íslendingur fékk 53 milljónir í Víkingalottói

Íslendingur og Norðmaður skiptu á milli sín 1 .vinningi í Víkingalottóinu í kvöld. Hvor um sig hlýtur rúmar 53 milljónir. Íslenski vinningshafinn keypti miðann sinn hjá Olís Básnum í Keflavík.

Þetta er í 28. sinn sem Íslendingur fær fyrsta vinning og í 4. sinn á þessu ári.

Einn var með fjórar réttar tölur í Jókernum og fær hann 100 þúsund krónur í vinning. Miðinn var keyptur hjá Fjarðarkaupum í Hafnarfirði.

Alls hlutu 1.490 miðaeigendur á Íslandi vinninga í þessum útdrætti.