Hoppaði úr þyrlu og lét sig svífa yfir virkt eldfjall

Sumir þora meiru en aðrir og og Ítalinn Roberta Mancino er án efa í hóp með þeim fyrri. Í nýju kynningarmyndbandi fyrir tæknifyrirtækið GoPro hoppaði hún niður úr þyrlu og lét sig svífa yfir virkt eldfjall.

Í gíg eldfjallsins sem varð fyrir valinu, kraumar stöðugur kvikupottur, og lét hún sig falla úr þyrlunni fyrir ofan kvikupottinn. Mancino er þekktur fallhlífarstökkvari en í þetta skiptið stökk hún út í svokölluðum flugbúning (e. wingsuit.)

Mancino stökk úr fimmtán þúsund feta hæð og sagði síðar meir á Facebook-síðu sinni að hún hafi vel fundið fyrir hitanum og lyktinni frá elfjallinu.