Fundu kannabis, amfetamíntöflur og hakakrosstöflur í heimahúsi

Lögreglan á Suðurnesjum lagði hald á umtalsvert magn af fíkniefnum í vikunni. Í öðru tilvikinu var réttindalaus ökumaður stöðvaður og lagði mikla kannabislykt úr bifreið hans. Honum var sleppt að lokinni skýrslutöku.

Stuttu síðar stöðvuðu lögreglumenn bílinn aftur en þá var sambýliskona mannsins undir stýri og hann í farþegasæti. Maðurinn reyndist þá vera með nokkurt magn kannabis og amfetamíns í fórum sínum.

Að fenginni heimild gerði lögregla húsleit í heima hjá fólkinu. Þar fundust kannabis, amfetamín, hakakrosstöflur og kannabisfræ auk grammavigtar og hnúajárns. Maðurinn var með allmikla fjárhæð í fórum sínum. Grunur leikur á að þarna hafi farið fram sala á fíkniefnum.

Í hinu tilvikinu fundust við húsleit í íbúð amfetamín, kannabisklumpar sem og tóbaksblandað kannabis og hvítar efnaleifar um alla íbúð. Húsráðandi játaði eign sína á efnunum.