Breytt líferni og dráttur á málinu ástæða skilorðsins Jóhann Óli Eiðsson skrifar 24. febrúar 2016 19:24 Einar Örn Adolfsson vísir Ungur aldur þegar brot voru framin, breytt líferni sakborninga og óeðlilegur dráttur á málsmeðferð voru ástæður þess að refsing Einars Arnar Adolfssonar og Finns Snæs Guðjónssonar, vegna innflutnings á rúmlega 30.000 e-töflum, var ákveðin fjögurra ára fangelsi skilorðsbundið til þriggja ára í Héraðsdómi Reykjaness í dag.Sjá einnig:„Ég er eins sáttur og það gerist miðað við aðstæður“ Innflutningurinn átti sér stað sumarið 2011, en þá voru mennirnir sautján og nítján ára, og lauk rannsókn lögreglu að mestu á því ári. Ákæra var fyrst gefin út í maí árið 2013. Þá var þriðji maður, búsettur erlendis, einnig ákærður en er talinn hafa afhent Einari fíkniefnin. Það mál var fellt niður í janúar 2014 sökum þess að sá maður sætti á þeim tíma farbanni í Ástralíu. Mál hans var slitið frá máli Einars og Finns og sérstök ákæra gefin út í tengslum við það. Dómur gekk í máli tvímenninganna í maí 2014 og voru þeir þá dæmdir í sex ára óskilorðsbundið fangelsi. Hæstiréttur ómerkti þann dóm og vísaði málinu aftur í hérað eftir að það uppgötvaðist að dómarinn, sem dæmdi málið í héraði, hafði áður komið að málinu þegar hann úrskurðaði annan manninn í gæsluvarðhald.Skilorðsbinding alfarið í höndum dómstóla Niðurstaða héraðsdóms í hinum ómerkta dómi var að magn fíkniefnanna, hættueiginleikar, styrkleiki MDMA-taflanna og sú staðreynd að mennirnir neituðu að gefa upp samverkamenn yrðu metin þeim til refsiþyngingar. Ungur aldur og dráttur málsins voru hins vegar metin þeim til lækkunar refsingar. Í niðurstöðu héraðsdóms frá í dag segir að þessi málsmeðferð, sem ekki sé á nokkurn hátt hægt að kenna ákærðu um, sé í „hróplegu ósamræmi“ við ákvæði í lögum um meðferð sakamála sem mæla fyrir um að meðferð mála skuli hraða eftir því sem kostur er. Þá brjóti málsmeðferðin einnig í bága við ákvæði stjórnarskrárinnar og mannréttindasáttmála Evrópu.Sjá einnig:Dæmdur í sex ára fangelsi þremur árum eftir að brotið var framið Líkt og fyrir tveimur árum taldi dómurinn, sem að þessu sinni var fjölskipaður, að komin væri fram lögfull sönnun þess að mennirnir hefðu gerst sekir um brotin. Ákvörðun refsingarinnar að þessu sinni er hins vegar athyglisverð í ljósi þess að ákveðið var að skilorðsbinda hana. „Enda þótt dómstólar hafi beitt heimild til skilorðsbindingar af varúð þegar um mjög langa refsivist er að ræða er ákvörðun um þetta alfarið lögð í hendur þeirra og engar skorður settar við skilorðsbindingu að því er tekur til tegundar brots eða lengdar refsivistar,“ segir í niðurstöðu dómsins. Þar segir einnig „ákærði Einar Örn var aðeins 17 ára gamall þegar hann framdi það brot sem hér er dæmt um. Hann er nú á 23. aldursári, er kvæntur og á barn með eiginkonu sinni, en það fæddist í nóvember 2014, fjórum mánuðum fyrir tímann, og glímir við mjög alvarleg veikindi.“ Þá hafi hann verið edrú frá janúar árið 2013. Í ljósi þessa, auk þess dráttar á málinu, var það niðurstaðan að skilorðsbinda refsinguna.Niðurstaðan í ósamræmi við dóm frá 2013 Þann 24. janúar 2013 var kveðinn upp í Hæstarétti dómur í máli ákæruvaldsins gegn Loga Má Hermannssyni en hann hafði, ásamt fjórum öðrum, gert tilraun til að flytja tæp fjögur kíló af amfetamíni hingað til lands í ágúst árið 2009. Ákæra var gefin út í máli Loga í nóvember 2009 og féll dómur í héraði í febrúar 2010 þar sem hann var dæmdur í þriggja ára og níu mánaða fangelsi. Sá dómur var ómerktur af Hæstarétti og málinu vísað í hérað sökum þess að dómur var kveðinn upp í því þar sem fjögurra vikna frestur frá dómtöku til dómsuppkvaðningar hafði liðið. Héraðsdómur dæmdi í málinu á ný í október sama ár en sá var einnig ómerktur þar sem málið hafði ekki verið endurflutt í héraði. Héraðsdómi frá febrúar 2012 var síðan áfrýjað og Hæstiréttur kvað upp endanlegan dóm í janúar 2013. Í dómi Hæstaréttar kom fram að sérhver sem borinn er sökum um refsiverða háttsemi eigi rétt á að leyst sé úr máli hans innan hæfilegt tíma. Þótti ljóst að málið hefði dregist óhæfilega fyrir dómi. Þrátt fyrir það þótti ekki ástæða til þess að skilorðsbinda refsingu hans en orðrétt segir í dómnum að „[v]egna alvarleika brotsins kemur ekki til álita að skilorðsbinda refsinguna af þeirri ástæðu, en sá dráttur sem orðið hefur á málinu hefur áhrif við ákvörðun hennar.“ Logi hlaut þriggja ára óskilorðsbundið fangelsi. Ekki hefur verið tekin ákvörðun af saksóknara um hvort dómnum í dag verði áfrýjað til Hæstaréttar. Tengdar fréttir Dómstjóri við héraðsdóm: „Það kveikir enginn á perunni“ Mistök og sofandaháttur urðu til þess að tveir Íslendingar, sem handteknir voru fyrir stórfelldan fíkniefnainnflutning í ágúst 2011, þurfa að mæta aftur fyrir hérað þar sem aðalmeðferð málsins fer fram að nýju. 14. október 2015 09:15 Ísland í dag: Ráðlagt að fara í fóstureyðingu en barnið fæddist heilbrigt Undanfarið ár hefur reynt mikið á ungu hjónin Guðbjörgu Hrefnu og Einar Örn. 5. maí 2015 21:45 Stórfellt fíkniefnasmygl þarf að taka aftur fyrir vegna vanhæfi dómara Finnur Snær Guðjónsson og Einar Örn Adolfsson voru dæmdir í sex ára fangelsi fyrir smygl á 30 þúsund e-töflum. 17. september 2015 16:58 „Ég er eins sáttur og það gerist miðað við aðstæður“ Einar Örn Adolfsson fékk skilorðsbundinn dóm fyrir fíkniefnasmygl í dag. Var áður dæmdur í sex ára fangelsi. Er á leið vestur um haf með ársgamla dóttur sem glímir við lungnasjúkdóm. 24. febrúar 2016 14:50 Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent „Væta í minni sveit boðaði heldur betur grósku“ Innlent Skítkast í „skrýtinni og óvæginni“ kosningabaráttu Innlent Fleiri fréttir Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Sjá meira
Ungur aldur þegar brot voru framin, breytt líferni sakborninga og óeðlilegur dráttur á málsmeðferð voru ástæður þess að refsing Einars Arnar Adolfssonar og Finns Snæs Guðjónssonar, vegna innflutnings á rúmlega 30.000 e-töflum, var ákveðin fjögurra ára fangelsi skilorðsbundið til þriggja ára í Héraðsdómi Reykjaness í dag.Sjá einnig:„Ég er eins sáttur og það gerist miðað við aðstæður“ Innflutningurinn átti sér stað sumarið 2011, en þá voru mennirnir sautján og nítján ára, og lauk rannsókn lögreglu að mestu á því ári. Ákæra var fyrst gefin út í maí árið 2013. Þá var þriðji maður, búsettur erlendis, einnig ákærður en er talinn hafa afhent Einari fíkniefnin. Það mál var fellt niður í janúar 2014 sökum þess að sá maður sætti á þeim tíma farbanni í Ástralíu. Mál hans var slitið frá máli Einars og Finns og sérstök ákæra gefin út í tengslum við það. Dómur gekk í máli tvímenninganna í maí 2014 og voru þeir þá dæmdir í sex ára óskilorðsbundið fangelsi. Hæstiréttur ómerkti þann dóm og vísaði málinu aftur í hérað eftir að það uppgötvaðist að dómarinn, sem dæmdi málið í héraði, hafði áður komið að málinu þegar hann úrskurðaði annan manninn í gæsluvarðhald.Skilorðsbinding alfarið í höndum dómstóla Niðurstaða héraðsdóms í hinum ómerkta dómi var að magn fíkniefnanna, hættueiginleikar, styrkleiki MDMA-taflanna og sú staðreynd að mennirnir neituðu að gefa upp samverkamenn yrðu metin þeim til refsiþyngingar. Ungur aldur og dráttur málsins voru hins vegar metin þeim til lækkunar refsingar. Í niðurstöðu héraðsdóms frá í dag segir að þessi málsmeðferð, sem ekki sé á nokkurn hátt hægt að kenna ákærðu um, sé í „hróplegu ósamræmi“ við ákvæði í lögum um meðferð sakamála sem mæla fyrir um að meðferð mála skuli hraða eftir því sem kostur er. Þá brjóti málsmeðferðin einnig í bága við ákvæði stjórnarskrárinnar og mannréttindasáttmála Evrópu.Sjá einnig:Dæmdur í sex ára fangelsi þremur árum eftir að brotið var framið Líkt og fyrir tveimur árum taldi dómurinn, sem að þessu sinni var fjölskipaður, að komin væri fram lögfull sönnun þess að mennirnir hefðu gerst sekir um brotin. Ákvörðun refsingarinnar að þessu sinni er hins vegar athyglisverð í ljósi þess að ákveðið var að skilorðsbinda hana. „Enda þótt dómstólar hafi beitt heimild til skilorðsbindingar af varúð þegar um mjög langa refsivist er að ræða er ákvörðun um þetta alfarið lögð í hendur þeirra og engar skorður settar við skilorðsbindingu að því er tekur til tegundar brots eða lengdar refsivistar,“ segir í niðurstöðu dómsins. Þar segir einnig „ákærði Einar Örn var aðeins 17 ára gamall þegar hann framdi það brot sem hér er dæmt um. Hann er nú á 23. aldursári, er kvæntur og á barn með eiginkonu sinni, en það fæddist í nóvember 2014, fjórum mánuðum fyrir tímann, og glímir við mjög alvarleg veikindi.“ Þá hafi hann verið edrú frá janúar árið 2013. Í ljósi þessa, auk þess dráttar á málinu, var það niðurstaðan að skilorðsbinda refsinguna.Niðurstaðan í ósamræmi við dóm frá 2013 Þann 24. janúar 2013 var kveðinn upp í Hæstarétti dómur í máli ákæruvaldsins gegn Loga Má Hermannssyni en hann hafði, ásamt fjórum öðrum, gert tilraun til að flytja tæp fjögur kíló af amfetamíni hingað til lands í ágúst árið 2009. Ákæra var gefin út í máli Loga í nóvember 2009 og féll dómur í héraði í febrúar 2010 þar sem hann var dæmdur í þriggja ára og níu mánaða fangelsi. Sá dómur var ómerktur af Hæstarétti og málinu vísað í hérað sökum þess að dómur var kveðinn upp í því þar sem fjögurra vikna frestur frá dómtöku til dómsuppkvaðningar hafði liðið. Héraðsdómur dæmdi í málinu á ný í október sama ár en sá var einnig ómerktur þar sem málið hafði ekki verið endurflutt í héraði. Héraðsdómi frá febrúar 2012 var síðan áfrýjað og Hæstiréttur kvað upp endanlegan dóm í janúar 2013. Í dómi Hæstaréttar kom fram að sérhver sem borinn er sökum um refsiverða háttsemi eigi rétt á að leyst sé úr máli hans innan hæfilegt tíma. Þótti ljóst að málið hefði dregist óhæfilega fyrir dómi. Þrátt fyrir það þótti ekki ástæða til þess að skilorðsbinda refsingu hans en orðrétt segir í dómnum að „[v]egna alvarleika brotsins kemur ekki til álita að skilorðsbinda refsinguna af þeirri ástæðu, en sá dráttur sem orðið hefur á málinu hefur áhrif við ákvörðun hennar.“ Logi hlaut þriggja ára óskilorðsbundið fangelsi. Ekki hefur verið tekin ákvörðun af saksóknara um hvort dómnum í dag verði áfrýjað til Hæstaréttar.
Tengdar fréttir Dómstjóri við héraðsdóm: „Það kveikir enginn á perunni“ Mistök og sofandaháttur urðu til þess að tveir Íslendingar, sem handteknir voru fyrir stórfelldan fíkniefnainnflutning í ágúst 2011, þurfa að mæta aftur fyrir hérað þar sem aðalmeðferð málsins fer fram að nýju. 14. október 2015 09:15 Ísland í dag: Ráðlagt að fara í fóstureyðingu en barnið fæddist heilbrigt Undanfarið ár hefur reynt mikið á ungu hjónin Guðbjörgu Hrefnu og Einar Örn. 5. maí 2015 21:45 Stórfellt fíkniefnasmygl þarf að taka aftur fyrir vegna vanhæfi dómara Finnur Snær Guðjónsson og Einar Örn Adolfsson voru dæmdir í sex ára fangelsi fyrir smygl á 30 þúsund e-töflum. 17. september 2015 16:58 „Ég er eins sáttur og það gerist miðað við aðstæður“ Einar Örn Adolfsson fékk skilorðsbundinn dóm fyrir fíkniefnasmygl í dag. Var áður dæmdur í sex ára fangelsi. Er á leið vestur um haf með ársgamla dóttur sem glímir við lungnasjúkdóm. 24. febrúar 2016 14:50 Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent „Væta í minni sveit boðaði heldur betur grósku“ Innlent Skítkast í „skrýtinni og óvæginni“ kosningabaráttu Innlent Fleiri fréttir Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Sjá meira
Dómstjóri við héraðsdóm: „Það kveikir enginn á perunni“ Mistök og sofandaháttur urðu til þess að tveir Íslendingar, sem handteknir voru fyrir stórfelldan fíkniefnainnflutning í ágúst 2011, þurfa að mæta aftur fyrir hérað þar sem aðalmeðferð málsins fer fram að nýju. 14. október 2015 09:15
Ísland í dag: Ráðlagt að fara í fóstureyðingu en barnið fæddist heilbrigt Undanfarið ár hefur reynt mikið á ungu hjónin Guðbjörgu Hrefnu og Einar Örn. 5. maí 2015 21:45
Stórfellt fíkniefnasmygl þarf að taka aftur fyrir vegna vanhæfi dómara Finnur Snær Guðjónsson og Einar Örn Adolfsson voru dæmdir í sex ára fangelsi fyrir smygl á 30 þúsund e-töflum. 17. september 2015 16:58
„Ég er eins sáttur og það gerist miðað við aðstæður“ Einar Örn Adolfsson fékk skilorðsbundinn dóm fyrir fíkniefnasmygl í dag. Var áður dæmdur í sex ára fangelsi. Er á leið vestur um haf með ársgamla dóttur sem glímir við lungnasjúkdóm. 24. febrúar 2016 14:50