Guðni Th. sendir Ítölum samúðarkveðju

Guðni Th. Jóhannesson, forseti Íslands, hefur sent forseta Ítalíu samúðarkveðju sína og íslensku þjóðarinnar í tilefni af hinum mannskæðu jarðskjálftum í landinu.

Í bréfi forsetans segir að þessar hörmungar minni okkur öll á ofurkraft náttúruafla en jafnframt á þau gildi sem birtist í framgöngu sjálfboðaliða og björgunarsveita sem nú komi fórnarlömbum til hjálpar.

„Myndin af hinum fagra bæ Amatrice, sem nú markist af sorg og rústum, muni lifa í minningu Íslendinga,“ segir í tilkynningu frá forsetaembættinu.