Einn maður lést þegar bílsprengja sprakk í Berlín

Einn maður lést þegar bílsprengja sprakk á Bismarckstrasse í Charlottenburg í Berlín í morgun.

Lögregla í Þýskalandi segir bíllinn hafi verið á ferð og stefndi á miðborgina þegar hann sprakk sem leiddi til þess að bíllinn þeyttist á loft. Bílstjórinn fórst í sprengingunni.

Í frétt BBC segir að lögregla segi sprengiefni hafa verið í bílnum og verið væri að rannsaka vettvang.

Íbúar í grennd við staðinn hafa verið hvattir til að loka gluggum og vera innarlega í íbúðum, fjarri götunni, þar til búið er að tryggja svæðið.

Lögregla girti stórt svæði af í kringum bílinn.

Uppfært 11:30:

Talsmaður lögreglu segir að morðrannsókn sé hafin.

Gemäß unserer Kolleg. vort Ort, ist der PKW während der Fahrt explodiert und hat sich dann überschlagen.
^yt pic.twitter.com/Ae1K6OvkdG

— Polizei Berlin (@polizeiberlin) March 15, 2016