Sigurjón þarf að endurgreiða 35 milljónir

Sigurjón Árnason, fyrrverandi bankastjóri gamla Landsbankans, þarf að greiða slitabúi Landsbankans (LBI) rúmar 35 milljónir króna. Hæstiréttur staðfesti dóm úr héraði þess efnis í dag.

Endurgreiðslan er vegna greiðslu gamla Landsbankans á séreignarlífeyrissparnaði sem lagður var inn á reikning Sigurjóns fimm dögum áður en bankinn féll í október 2008. Hæstiréttur staðfesti dóm úr héraði þess efnis í dag.

Sigurjón þarf að endurgreiða 35.145.000 krónur auk dráttarvaxta frá 30. september 2011. Auk þess þarf hann að greiða málskostnað úr héraði og Hæstarétti. Dómurinn verður birtur á vef Hæstaréttar klukkan 16:30.