Áreynslulaust og skemmtilega kærulaust Starri Freyr Jónsson skrifar 3. desember 2016 14:40 Meðlimir Kroniku koma úr ýmsum áttum. Hljómsveitin Kronika heldur útgáfutónleika í kvöld á Húrra í Reykjavík en fyrsta plata sveitarinnar, Tinnitus Forte, kom út fyrir stuttu síðan. Meðlimir Kroniku koma úr ólíkum áttum sem setur svo sannarlega svip á lög sveitarinnar sem er skemmtilegur bræðingur þyngra rokks og rapps. Söngkona Kroniku er Tinna Sverrisdóttir, einn meðlima Reykjavíkurdætra, og með henni eru þrír fullvaxta karlmenn eins og hún orðar það sjálf, þeir Snæbjörn Ragnarsson, bassaleikari Skálmaldar, Birgir Jónsson, trommuleikari Dimmu og Guðmundur Stefán Þorvaldsson, gítarleikari Sunnyside Road. Snæbjörn, eða Bibbi eins og hann er kallaður, á heiðurinn af hugmyndinni bak við bandið að sögn Tinnu og sópaði meðlimum saman úr ólíkum áttum. „Ég var t.d. stödd í Víetnam þegar ég frétti að ég væri orðin aðalsöngkonan í nýju íslensku rokkbandi. Lífið hefur líklega aldrei verið jafn fyndið og óvænt eins og á því augnabliki. Ég hugsaði mig ekki tvisvar um enda segir maður ekkert annað en já þegar Snæbjörn kemur með hugmyndir sem slíkar, meistarasnillingurinn sem hann er.“Unnið hratt Hópurinn hittist fyrst á æfingu í ágúst með það eina markmið að gera það sem þau elska mest og gera það vel segir Tinna. „Upp frá því fóru hjólin að snúast á ógnarhraða og tveimur mánuðum síðar var fyrsta platan okkar Tinnitus Forte tilbúin.“ Flest laganna urðu til á æfingum að sögn Tinnu, þar sem strákarnir mættu með riff en hún bætti ofan á textum og melódíum. „Flestir textarnir fæddust í æfingarhúsnæðinu okkar þar sem þeir lágu yfir lögunum á meðan ég dritaði orðum og tilfinningum á blað. Svo var bara talið í og lögin fengu að finna sína eigin leið þar til við vorum öll sátt. Ferlið í heild sinni var allt mjög áreynslulaust og skemmtilega kærulaust. Þegar sex lög voru tilbúin kom upp sú hugmynd að skella í plötu. Viku síðar vorum við komin með plötusamning hjá Smekkleysu og mætt upp í Hljóðverk til Einars Vilbergs í upptökur á átta laga plötu.“Eins og gott partí Þrátt fyrir ólíkan bakgrunn meðlima sveitarinnar gengu upptökurnar alveg fáránlega vel að hennar sögn. „Platan var tekin upp á viku og við vorum yfirleitt öll saman í stúdíóinu. Fyrir mér var þetta miklu meira eins og gott partý með góðum vinum heldur en nokkurntíma vinna.“ Sem fyrr segir koma meðlimir úr ólíkum áttum tónlistarlega séð en Tinna segir það einmitt gera samstarfið svo skemmtilegt og spennandi. „Aldrei í lífinu hefði ég ímyndað mér að enda í rokkhljómsveit með tveimur jötnum og einum álfi. Við sækjum mest af innblæstri okkar í hvert annað þar sem við komum frá mjög ólíkum áttum og reynsluheimi. Ég kem úr rappheiminum, Biggi og Bibbi úr rokkinu og svo Gummi úr ögn krúttaðri átt. Auðvitað sprettur svo innblástur líka alltaf frá þeim stað sem við erum á í lífinu hverju sinni. Ég var t.d. í ástarsorg við gerð plötunnar og það hefur auðvitað sitt að segja. Ég er ekki frá því að ástarsorg sé besta olían á eld skáldskapargyðjunnar.Góðar viðtökur Sveitin kom fyrst fram á tónleikum um miðjan október, daginn eftir útgáfu plötunnar Tinnitus Forte auk þess sem samnefnt lag fór í spilun um svipað leyti. „Við spiluðum á fimm tónleikum á þremur dögum fyrir u.þ.b. 1.000 manns. Við hituðum upp fyrir Skálmöld, bæði á Græna Hattinum fyrir norðan og svo á Gauknum í Reykjavík. Viðtökurnar hafa verið vonum framar, bæði myndaðist ofboðslega góð stemning á öllum tónleikunum og svo fengum við frábæra plötudóma frá Arnari Eggerti og Andreu Jóns á Rás 2. Við erum ekkert nema stútfull af þakklæti fyrir þann meðbyr sem við höfum fengið hingað til.“Spáir trylltri stemningu Og hún er svo sannarlega spennt fyrir útgáfutónleikunum í kvöld. „Það má búast við trylltri stemningu, töfrum og temmilega mikið af svita. Ef hægt væri að virkja svitann sem kemur út úr kroppnum á Bibba á einu giggi gætum við borgað rafmagnsreikning Húrra á einu bretti. Framundan hjá okkur eru fleiri tónleikar og svo erum við ótrúlega spennt að semja meira efni saman fyrir komandi gigg. Það er ekkert eðlilega gaman að standa á sviði með þessum sjarmatröllum.“ Tónleikarnir í kvöld hefjast kl. 21 á Húrra og hljómveitin Himbrimi hitar upp. Aðgangseyrir er 2.000 kr. Hlusta má á nýju plötuna, Tinnitus Forte, á Spotify og fylgjast með nýjustu fréttum og tónleikum á Facebook. Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira
Hljómsveitin Kronika heldur útgáfutónleika í kvöld á Húrra í Reykjavík en fyrsta plata sveitarinnar, Tinnitus Forte, kom út fyrir stuttu síðan. Meðlimir Kroniku koma úr ólíkum áttum sem setur svo sannarlega svip á lög sveitarinnar sem er skemmtilegur bræðingur þyngra rokks og rapps. Söngkona Kroniku er Tinna Sverrisdóttir, einn meðlima Reykjavíkurdætra, og með henni eru þrír fullvaxta karlmenn eins og hún orðar það sjálf, þeir Snæbjörn Ragnarsson, bassaleikari Skálmaldar, Birgir Jónsson, trommuleikari Dimmu og Guðmundur Stefán Þorvaldsson, gítarleikari Sunnyside Road. Snæbjörn, eða Bibbi eins og hann er kallaður, á heiðurinn af hugmyndinni bak við bandið að sögn Tinnu og sópaði meðlimum saman úr ólíkum áttum. „Ég var t.d. stödd í Víetnam þegar ég frétti að ég væri orðin aðalsöngkonan í nýju íslensku rokkbandi. Lífið hefur líklega aldrei verið jafn fyndið og óvænt eins og á því augnabliki. Ég hugsaði mig ekki tvisvar um enda segir maður ekkert annað en já þegar Snæbjörn kemur með hugmyndir sem slíkar, meistarasnillingurinn sem hann er.“Unnið hratt Hópurinn hittist fyrst á æfingu í ágúst með það eina markmið að gera það sem þau elska mest og gera það vel segir Tinna. „Upp frá því fóru hjólin að snúast á ógnarhraða og tveimur mánuðum síðar var fyrsta platan okkar Tinnitus Forte tilbúin.“ Flest laganna urðu til á æfingum að sögn Tinnu, þar sem strákarnir mættu með riff en hún bætti ofan á textum og melódíum. „Flestir textarnir fæddust í æfingarhúsnæðinu okkar þar sem þeir lágu yfir lögunum á meðan ég dritaði orðum og tilfinningum á blað. Svo var bara talið í og lögin fengu að finna sína eigin leið þar til við vorum öll sátt. Ferlið í heild sinni var allt mjög áreynslulaust og skemmtilega kærulaust. Þegar sex lög voru tilbúin kom upp sú hugmynd að skella í plötu. Viku síðar vorum við komin með plötusamning hjá Smekkleysu og mætt upp í Hljóðverk til Einars Vilbergs í upptökur á átta laga plötu.“Eins og gott partí Þrátt fyrir ólíkan bakgrunn meðlima sveitarinnar gengu upptökurnar alveg fáránlega vel að hennar sögn. „Platan var tekin upp á viku og við vorum yfirleitt öll saman í stúdíóinu. Fyrir mér var þetta miklu meira eins og gott partý með góðum vinum heldur en nokkurntíma vinna.“ Sem fyrr segir koma meðlimir úr ólíkum áttum tónlistarlega séð en Tinna segir það einmitt gera samstarfið svo skemmtilegt og spennandi. „Aldrei í lífinu hefði ég ímyndað mér að enda í rokkhljómsveit með tveimur jötnum og einum álfi. Við sækjum mest af innblæstri okkar í hvert annað þar sem við komum frá mjög ólíkum áttum og reynsluheimi. Ég kem úr rappheiminum, Biggi og Bibbi úr rokkinu og svo Gummi úr ögn krúttaðri átt. Auðvitað sprettur svo innblástur líka alltaf frá þeim stað sem við erum á í lífinu hverju sinni. Ég var t.d. í ástarsorg við gerð plötunnar og það hefur auðvitað sitt að segja. Ég er ekki frá því að ástarsorg sé besta olían á eld skáldskapargyðjunnar.Góðar viðtökur Sveitin kom fyrst fram á tónleikum um miðjan október, daginn eftir útgáfu plötunnar Tinnitus Forte auk þess sem samnefnt lag fór í spilun um svipað leyti. „Við spiluðum á fimm tónleikum á þremur dögum fyrir u.þ.b. 1.000 manns. Við hituðum upp fyrir Skálmöld, bæði á Græna Hattinum fyrir norðan og svo á Gauknum í Reykjavík. Viðtökurnar hafa verið vonum framar, bæði myndaðist ofboðslega góð stemning á öllum tónleikunum og svo fengum við frábæra plötudóma frá Arnari Eggerti og Andreu Jóns á Rás 2. Við erum ekkert nema stútfull af þakklæti fyrir þann meðbyr sem við höfum fengið hingað til.“Spáir trylltri stemningu Og hún er svo sannarlega spennt fyrir útgáfutónleikunum í kvöld. „Það má búast við trylltri stemningu, töfrum og temmilega mikið af svita. Ef hægt væri að virkja svitann sem kemur út úr kroppnum á Bibba á einu giggi gætum við borgað rafmagnsreikning Húrra á einu bretti. Framundan hjá okkur eru fleiri tónleikar og svo erum við ótrúlega spennt að semja meira efni saman fyrir komandi gigg. Það er ekkert eðlilega gaman að standa á sviði með þessum sjarmatröllum.“ Tónleikarnir í kvöld hefjast kl. 21 á Húrra og hljómveitin Himbrimi hitar upp. Aðgangseyrir er 2.000 kr. Hlusta má á nýju plötuna, Tinnitus Forte, á Spotify og fylgjast með nýjustu fréttum og tónleikum á Facebook.
Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira