Slökkt á götuljósum til miðnættis

Reykjavíkurborg hefur tilkynnt að slökkt verði á götulýsingu í Reykjavík til miðnættis svo íbúar og gestir geti notið magnaðrar norðurljósasýningar sem spáð hefur verið.

Áætlað var að slökkt yrði á götulýsingunn á milli 22 og 23 í í Vesturbæ, Miðborg, Hlíðum, Grafarvogi, Laugarási, Heima- og Vogahverfi, Túnum, Skólavörðuholti, Fellum, Bergum og Hólum í Breiðholti ásamt Seljahverfi en hefur það nú verið framlengt um klukkustund.

Lögreglan, slökkviliðið og Orkuveita Reykjavíkur hefur verið upplýst um málið og er fólk er hvatt til að aka einstaklega varlega á þessum svæðum og sýna tillitssemi á meðan myrkvun stendur.