Obama tók á móti Broncos | Myndir

Barack Obama Bandaríkjaforseti fór á kostum er hann tók á móti NFL-meisturum Denver Broncos í gær.

Hann reytti af sér brandarana og sló í gegn hjá meisturunum.

Hann skildi bestu brandarana eftir handa leikstjórnandanum Peyton Manning. Kallaði hann gaurinn úr auglýsingunum.

„Þú getur fyllt heimilið þitt með vörum sem Peyton auglýsir. Ef þig vantar eitthvað þá talarðu við Peyton,“ sagði forsetinn meðal annars áður en hann hrósaði Manning í hástert.

Nokkrar myndir frá heimsókn Broncos í Hvíta húsið má sjá hér að neðan.