Kvöldfréttir Stöðvar 2 í beinni

Breytingar verða á vaxta- og barnabótakerfinu samkvæmt frumvarpi um ráðstafanir í ríkisfjármálum sem mælt var fyrir á Alþingi í dag og ýmis gjöld hækka. Fjallað verður um málið í kvöldfréttum Stöðvar 2 í kvöld og rætt Bjarna Benediktsson, starfandi fjármálaráðherra, og Katrínu Jakobsdóttur, formann Vinstri grænna.

Í kvöldfréttum verður einnig fjallað um hörmulegt mál sem átti sér stað í gær þegar hælisleitandi kveikti í sér fyrir utan húsakynni Útlendingastofnunar í gær. Þá verður fjallað um fjárhagsáætlun Reykjavíkurborgar en bílastæðagjöld hækka um að allt að helming og sorphirða um allt að tíu komma sex prósent. Rætt verður við borgarstjóra um fjárhagsáætlunina.

Við verðum síðan í beinni frá tónleikum Jethro Tull og fylgjumst með þegar leikskólakrakkar áttu hátíðlega stund snemma í morgun og dönsuðu í kringum Oslóartréð á Austurvelli.

Þetta og miklu meira til í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.