Fékk grínið í bakið þegar hún festi hausinn inni í graskeri

Hrekkjavakan fór fram um heim allan á mánudaginn og setja sig margir þá í ógnvekjandi karakter með látbragði og búningi.

Hefð hefur skapast fyrir því að tæma grasker, skera út munn, nef og augu og þá ertu kominn með hrekkjavökugrasker. Á ensku er þetta kallað Jack-o'-lantern.

Ein ung kona í Bretlandi lenti aftur á móti heldur betur í því á dögunum þegar hún ákvað að troða höfðinu inn í graskerið og með þeim afleiðingum að hún festist þar.

Nokkuð spaugilegt og þegar þessi frétt er skrifuð hefur verið horft á myndbandið fjörutíu milljón sinnum á Facebook-síðu Daily Mail.