Risa­af­mælis­þáttur FM95BLÖ: Búnir í fríi og mættir aftur

Útvarpsþátturinn FM95BLÖ snýr aftur í dag eftir sex vikna frí. Þátturinn er akkúrat fimm ára í dag en hann hóf göngu sína þann 4. nóvember árið 2011.

Steindi Jr., Auðunn Blöndal og Egill Einarsson verða því mættir í hljóðver FM957 klukkan fjögur í dag og verður þátturinn stúttfullur og skemmtilegur.

Von er á rosalegri tilkynningu frá þeim félögum og gömlu dagskráliðirnir verða á sínum stað. Strákarnir hafa verið í sex vikna fríi þar sem þeir Auddi og Steindi voru í tökum fyrir Steypustöðina, nýr þáttur sem fer í loftið á Stöð 2 eftir áramót.

Hér að neðan má hlusta á þáttinn í beinni útsendingu og hefst hann klukkan 16:00.