Þriggja ára sonur Michael Bublé greindur með krabbamein

Elsti sonur kanadíska söngvarans Michael Bublé hefur verið greindur með krabbamein. Bublé og eiginkona hans Luisana Lopilato greindu frá þessu í yfirlýsingu til fjölmiðla.

„Við erum eyðilögð yfir þessum tíðindum af krabbameini elsta sonar okkar Noah, sem er undir læknishöndum í Bandaríkjunum þessa stundina. Við höfum ávallt lagt ríka áherslu á mikilvægi fjölskyldunnar og ástina sem við berum til barna okkar.“

Þau segja allan þeirra tíma í náinni framtíð munu fara í að koma þriggja ára syni þeirra aftur til heilsa, og mun því Bublé ekki skemmta fólki með söng sínum á næstunni.

„Við vonumst til að þið munið biðja fyrir honum og vonumst einnig til þess að einkalíf okkar verði virt.“

Bublé og Lopilato, leikkona frá Argentínu, eignuðust sitt annað barn, soninn Elías, í janúar síðastliðnum.