Ókunnugur maður gaf Kendall Jenner Rolls-Royce í afmælisgjöf

Ofurfyrirsætan Kendall Jenner fagnaði 21 árs afmæli sínu á dögunum með pompi og prakt. Mikið var um dýrðir í afmælisveislunni enda er Jenner hluti af Kardashian fjölskyldunni. Hún fékk meðal annars glænýjan Rolls-Royce í afmælisgjöf og var talið að móðir hennar, Kris Jenner, hefði gefið henni bílinn.

Það virðist þó ekki vera alveg rétt og sagði Khloe Kardashian, systir Kendall, í viðtali við Jimmy Kimmel í gær að bláókunnugur maður hafi birst í veislunni og gefið henni bílinn.

„Við fórum út og þar var Rolls-Royce og þessi maður stór þarna. Ég sagði „Hort er gjöfin, maðurinn eða bílinn?“ Og svo réttir hann Kendall lyklana að bílnum og ég var bara „Vitum við eitthvað hver þessi maður er? Er þetta brandari?“ Ég fékk kvöldverð og veski í 21 árs afmælisgjöf. Ég vissi ekki að maður fengi bíla frá ókunnugum,“ sagði Khloe í viðtali við Kimmel.

Hún sagði þá einnig að Kendall hefði skemmt sér svo vel í veislunni að hún hafi ekki munað eftir atvikinu. 

„Í morgun sagði ég „Manstu eftir að þú fékkst þennan bíl? Hvernig komstu honum heim?“ og hún sagði „Guð minn góður, ég gleymdi að ég fékk bíl í gær.“ Hún var það drukkin!“

Viðtal Jimmy Kimmel við Khloe Kardashian má sjá hér fyrir neðan.