Náði að halda andliti þrátt fyrir að það hafi liðið ítrekað yfir hann í teygjuskoti

Ungt par skellti sér í skemmtigarð í Flórída í síðasta mánuði og fór saman í nokkuð þekkt tæki sem kallast á íslensku teygjuskot.

Þá sitja tveir einstaklingar inni í litlu búri og er þeim skotið hátt upp í loftið í teygju. Sumir ráða misvel við svona skemmtitæki en gríðarlega vinsælt er að sjá sjálfan sig á myndbandsupptöku eftir að ferðinni er lokið.

Parið var heldur skrautlegt í ferð sinni upp og niður og þá sérstaklega maðurinn. Hann virkaði nokkuð borubrattur fyrirfram og var hann meira í því að stappa stálinu í kærustuna sína.

Um leið og þau fóru í loftið, leið ítrekað yfir manninn og er hægt að segja að hann hafi verið í stökustu vandræðum. Maðurinn rétt náði að bjarga andlitinu og tók konan aldrei eftir því að hann hafi verið í vandræðum.

Undir lokin var kallinn bara nokkuð stoltur ef kærustunni og talaði um hversu dugleg hún hafi nú verið. Hér að neðan má sjá stórbrotið myndband sem sýnir ferð þeirra skötuhjúa eins og hún var í raun og veru.